រដ្ឋបាលខេត្តកោះកុង

លោក សុខ ចេង អភិបាលរង នៃគណៈអភិបាលខេត្តកោះកុង បានដឹកនាំក្រុមការងារពាក់ព័ន្ធ បានអញ្ជេីញចូលរួម ក្នុងពិធីបើកសិក្ខាសាលាពិគ្រោះយោបល់លើសេចក្តីព្រាងសេចក្តីណែនាំអន្តរក្រសួង ស្តីពីបែបបទ នីតិវិធី និងលក្ខខណ្ឌភ្ជាប់នៃការផ្តល់សេវារដ្ឋបាលពាក់ព័ន្ធការងារសុខភាពសត្វ និងផលិតកម្មសត្វ ក្រោមអធិបតីភាពឯកឧត្តម វ៉ា ពិសី អនុរដ្ឋលេខាធិការ ក្រសួងកសិកម្ម​ រុក្ខាប្រមាញ់​ និងនេសាទ​ នៅសាលប្រជុំខេត្តកំពត។
សិក្ខាសាលានេះ មានគោលបំណងពិនិត្យ និងផ្ដល់យោបល់លើសេចក្តីព្រាងសេចក្តីណែនាំអន្តរក្រសួងស្តីពីបែបបទ នីតិវិធី និងលក្ខខណ្ឌភ្ជាប់នៃការផ្តល់សេវារដ្ឋបាលពាក់ព័ន្ធការងារសុខភាពសត្វនិងផលិតកម្មសត្វ នៅរដ្ឋបាលរាជធានី ខេត្ត ដើម្បីឱ្យខ្លឹមសារនៃសេចក្ដីព្រាងសេចក្ដីណែនាំអន្តរក្រសួងនេះកាន់តែមានលក្ខណៈគ្រប់ជ្រុងជ្រោយ អាចអនុវត្តបានប្រកបដោយប្រសិទ្ធភាពទាំងក្របខណ្ឌបច្ចេកទេស និងពេលវេលា ឆ្លើយតបទៅនឹងតម្រូវការជាក់ស្ដែងរបស់ប្រជាពលរដ្ឋប្រកបដោយគណនេយ្យភាព និងតម្លាភាព។
ថ្ងៃសុក្រ ១កើត ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២១ ខែវិច្ឆិកា ឆ្នាំ២០២៥