លោក អ៉ឹង បឺត ប្រធានការិយាល័យ ផែនការ និងគាំទ្រឃុំ -សង្កាត់ចុះគាំទ្រលើដំណើរការរៀបចំកសាងកម្មវិធីវិនិយោគបីឆ្នាំរំកិល(២០២៦-២០២៨)ឃុំជ្រោយប្រស់
ស្រុកកោះកុង ៖ នៅរសៀលថ្ងៃទី២៨ ខែតុលា ឆ្នាំ២០២៥ លោក អ៉ឹង បឺត ប្រធានការិយាល័យផែនការនិងគាំទ្រឃុំ សង្កាត់ បានអញ្ជេីញចុះពិនិត្យ តាមដាន និងគាំទ្រលើដំណើរការការងារនៃការរៀបចំកសាងកម្មវិធីវិនិយោគបីឆ្នាំរំកិល(២០២៦-២០២៨) ឃុំជ្រោយប្រស់ ដើម្បីបង្កើននូវប្រសិទ្ធភាព និងធានាបានគណនេយ្យភាព ក្នុងការរៀបចំស្របតាមការណែនាំ នីតិវិធី និងស្របតាមសេចក្ដីណែនាំបច្ចេកទេស ស្ដីពីការរៀបចំ និងកសាងកម្មវិធីវិនិយោគបីឆ្នាំរំកិលឃុំ។
សមាសភាពចូលរួមមានមេឃុំ ជំទប់ទី១ ជំទប់ទី២ ស្មៀនឃុំ ជំនួយការហិរញ្ញវត្ថុ និងជំនួយការរដ្ឋបាលឃុំ សរុបចំនួន ០៨នាក់ ស្រី ០១នាក់ នៅសាលាឃុំជ្រោយប្រស់
