រដ្ឋបាលខេត្តកោះកុង

លោក ឈេង សុវណ្ណដា អភិបាលរង នៃគណៈអភិបាលខេត្តកោះកុង បានអញ្ជើញជាគណៈអធិបតីក្នុងវេទិកាសាធារណៈ ដើម្បីផ្សព្វផ្សាយ និងពិគ្រោះយោបល់ ជាមួយប្រជាពលរដ្ឋពាក់ព័ន្ធ និងការធ្វើអាជីវកម្មខ្សាច់ ទំហំ ១០៥ហិកតា ស្ថិតនៅក្នុងដែនសមុទ្រ នៃឃុំកោះស្តេច ស្រុកគិរីសាគរ របស់ក្រុមហ៊ុន ស៊ី មីនើរ៉ល អិចផ្លថេសិន ប្រូសេស៊ីង អ៊ីមផត អិចផត ឯ.ក។ វេទិកាសាធារណៈនេះ ស្ថិតក្រោមការដឹកនាំដោយលោក កែវ ទួត អគ្គនាយករង នៃអគ្គនាយកដ្ឋានធនធានរ៉ែ នៃក្រសួងរ៉ែ និងថាមពល និងមានការចូលរួមពីមន្ទីរជំនាញជុំវិញខេត្ត រដ្ឋបាលស្រុក ឃុំ តំណាងក្រុមហ៊ុន និងប្រជាពលរដ្ឋក្នុងឃុំកោះស្តេច ប្រមាណ ៣០០នាក់។ ជាលទ្ធផល នៃវេទិកាផ្សព្វផ្សាយ និងការពិគ្រោះយោបល់ឃើញថា ប្រជាពលរដ្ឋបានយល់ដឹងពីសារៈសំខាន់នៃអាជីវកម្មខ្សាច់ និងគាំទ្រឱ្យមានការធ្វើអាជីវកម្មបូមខ្សាច់ នៅក្នុងដែនសមុទ្រឃុំកោះស្តេចនេះផងដែរ។
ថ្ងៃពុធ ១កើត ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២២ ខែតុលា ឆ្នាំ២០២៥