លោក ឯក ម៉ឹង ប្រធានក្រុមប្រឹក្សាស្រុកកោះកុង ដឹកនាំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុកកោះកុង
ស្រុកកោះកុង ៖ នៅរសៀលថ្ងៃអាទិត្យ ១២កើត ខែភទ្របទ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី៣០ ខែសីហា ឆ្នាំ២០២០ រដ្ឋបាលស្រុកកោះកុង បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុកកោះកុង ក្រោមអធិបតីភាពលោក ឯក ម៉ឹង ប្រធានក្រុមប្រឹក្សាស្រុកកោះកុង និងមានការចូលរួមពីលោក លោកស្រីសមាជិកក្រុមប្រឹក្សាស្រុក គណៈអភិបាលស្រុកកោះកុង នាយករដ្ឋបាលសាលាការិយាល័យ អង្គភាពចំណុះរដ្ឋបាលស្រុក កងកម្លាំងទាំងបីប្រភេទ ក្រុមប្រឹក្សាឃុំទាំងបួន មណ្ឌលសុខភាពត្រពាំងរូង ប៉ុស្ដិ៍សុខភាពជ្រោយប្រស់ ប៉ុស្ដិ៍រដ្ឋបាលនគរបាលឃុំជ្រោយប្រស់ និងប្រជាពលរដ្ឋឃុំជ្រោយប្រស់ នៅវត្តជ្រោយប្រស់។
ក្នុងឱកាស គណៈអធិបតី បានផ្តោតយកចិត្តទុកដាក់លើកិច្ចការងារសន្តិសុខ ០៩ចំណុច ជាពិសេសគឺបញ្ហាគ្រឿងញៀន និងចរាចរណ៍ ដោយណែនាំទៅមេប៉ុស្ត៍រដ្ឋបាលឃុំត្រូវធ្វើការរឹតបន្តឹង និងចុះល្បាតអោយបានទៀងទាត់នៅតាមទីសាធារណៈដែលមានការប្រមូលផ្តុំ។
ចុងក្រោយ គណៈអធិបតី បានជូនពរដល់សមាជិកទាំងអស់នៃវេទិកា សូមទទួលបាននូវសុខភាពល្អបរិបូរណ៍ កម្លាំងខ្លាំងក្លា ជោគជ័យគ្រប់ភារកិច្ចការងារ ជាពិសេសជៀសឆ្ងាយពីជំងឺកូវីដ-១៩ សូមបងប្អូនចូលរួមធ្វើអនាម័យការពារខ្លួនឯង តាមការណែនាំរបស់ក្រសួងសុខាភិបាល។
ប្រភព : អ៊ឹង បឺត
