រដ្ឋបាលខេត្តកោះកុង

លោក ស៊ឹម សុភាព អនុប្រធាការិយាល័យ ក្របខណ្ឌ និងបណ្ដុះបណ្ដាល នៃមន្ទីរមុខងារសាធារណៈខេត្តកោះកុង បានអញ្ជើញចូលរួម «ក្នុងសិក្ខាសាលាលើកកម្ពស់ការយល់ដឹង និងចែករំលែកព័ត៍មានអំពីដំណើរការនៃការត្រៀមចាកចេញរបស់កម្ពុជាពីចំណាត់ក្រុមប្រទេសអភិវឌ្ឍតិចតួច» ក្រោមអធិបតីភាពបើកវគ្គសិក្ខាសាលាដ៏ខ្ពង់ខ្ពស់ដោយ ឯកឧត្ដមបណ្ឌិត ប៉ូច ប៊ុណ្ណាក់ រដ្ឋលេខាធិការ និងជាប្រធាន ក.គ.ច.ក.អ.ត.។

សិក្ខាសាលាបាន និងកំពុងប្រព្រឹត្តិទៅក្នុងរយៈពេល២ថ្ងៃ គឺចាប់ពីថ្ងៃទី៨ តុលា ២០២៥ រហូតដល់ថ្ងៃទី៩ តុលា ២០២៥ នៅសណ្ឋាគារ ភាពសុខុម កំពត ខេត្តកំពត។

សិក្ខាសាលានេះមានគោលបំណងលើកកម្ពស់ការយល់ដឹងដល់អ្នកដែលមានចំណែកពាក់ព័ន្ធទាំងអស់ អំពីដំណើរការនៃការត្រៀមចាកចេញរបស់កម្ពុជាពីចំណាត់ក្រុមប្រទេសអភិវឌ្ឍតិចតួច ចែករំលែកព័ត៌មានអំពីផលប៉ះពាល់នៃការចាកចេញដល់អ្នកដែលមានចំណែកពាក់ព័ន្ធទាំងអស់ ពិភាក្សានិងឆ្លុះបញ្ចាំងផលប៉ះពាល់នៃការចាកចេញក្នុងបរិបទទូទៅនិងតាមវិស័យ ដើម្បីទទួលធាតុចូលបន្ថែមពិសេសទៅលើការពង្រឹងសមត្ថភាពដើម្បីដោះស្រាយបញ្ហាប្រឈម និងលើកកម្ពស់ការចូលរួមរបស់ស្ថាប័នថ្នាក់ក្រោមជាតិ និងការចែករំលែកព័ត៌មានបន្ត។
ថ្ងៃព្រហស្បតិ៍ ២រោច ខែអស្សុជ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៩ ខែតុលា ឆ្នាំ២០២៥