លោក អ៉ឹង បឺត ប្រធានការិយាល័យផែនការនិងគាំទ្រឃុំ សង្កាត់ ចូលរួមបើកសំណើ និងវាយតម្លៃសំណើដេញថ្លៃគម្រោងសាងសង់ផ្លូវបេតុងអាមេមានជេីងចំនួន ០១ខ្សែ នៅឃុំជ្រោយប្រស់
ស្រុកកោះកុង ៖ នៅព្រឹកថ្ងៃទី១៩ ខែកញ្ញា ឆ្នាំ២០២៥ លោកអ៉ឹង បឺត ប្រធានការិយាល័យផែនការនិងគាំទ្រឃុំ សង្កាត់ ស្រុកកោះកុង បានចូលរួមបើកសំណើ និងវាយតម្លៃសំណើដេញថ្លៃគម្រោងសាងសង់ផ្លូវបេតុងអាមេមានជេីងចំនួន ០១ខ្សែ ប្រវែង ៣៦០ម៉ែត្រ ទទឹង ១.៦ម៉ែត្រ ដែលមានតម្លៃប៉ាន់ស្មាន ២៧៧ ៤៣២ ៧៩៦រៀល(ពីររយចិតសិបប្រាំពីរលាន បួនរយសាមសិបពីរពាន់ ប្រាំពីររយកៅសិបប្រាំមួយរៀលគត់) ដែលប្រើប្រាស់ថវិកាមូលនិធិឃុំជ្រោយប្រស់ សម្រាប់ឆ្នាំ២០២៥
ក្រុមហ៊ុនចូលរួមដេញថ្លៃរួមមាន ៖
១.មង្គលរតនៈលី១៨
២.ជា សឿន
៣.លួន មុំ
៤.អូឌីស៉ី
ជាលទ្ធផលនៃការដេញថ្លៃគម្រោង ក្រុមហ៊ុនដែលទទួលបានលទ្ធផលឈ្នះបានទៅលើក្រុមហ៊ុន លួន មុំ លើតម្លៃទាបជាងគេលំដាប់ទី១ ចំនួន ២៦២ ៨០០ ០០០រៀល (ពីររយហុកសិបពីរលាន ប្រាំបីរយពាន់រៀលគត់)
សមាសភាពចូលរួមមានមន្រ្តីបច្ចេកទេសសាលាខេត្ត លោកមេឃុំ គណៈកម្មការលទ្ធកម្មឃុំ និងក្រុមហ៊ុនចូលរួមដេញថ្លៃ សរុប ១៥នាក់ ស្រី ០២នាក់។
