រដ្ឋបាលខេត្តកោះកុង

លោក សោម សម័យ សមាជិកក្រុមប្រឹក្សាស្រុក និងលោក ផេង ផល អភិបាលស្ដីទីស្រុកថ្មបាំង អញ្ជើញដឹកនាំ លោក លោកស្រីសមាជិកក្រុមប្រឹក្សាស្រុក អភិបាលរងស្រុក នាយករងរដ្ឋបាលស្រុក ប្រធាន និងមន្រ្តីការិយាល័យ បានរៀបចំសម្អាតអនាម័យបរិស្ថាន នៃទិវាសម្អាតពិភពលោកលើកទី៨ (8th World Cleanup Day) រៀបចំឡើងស្របតាមយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា និងគាំទ្រដល់ការអនុវត្តយុទ្ធសាស្ត្រចក្រាវិស័យបរិស្ថាន ២០២៣-២០២៨ រួមមាន÷ ភាពស្អាត បៃតង និងចីរភាពព្រមទាំងរួមចំណែកដល់យុទ្ធនាការ “ផ្លូវជាតិស្អាត គ្មានសំណល់ប្លាស្ទិក” និងគោលដៅអភិវឌ្ឍន៍ប្រកបដោយចីរភាព (SDGs) ដោយមានការអញ្ជើញចូលរួមពី ជំទប់ឃុំ កម្លាំងអធិការស្រុក កម្លាំងមូលដ្ឋានកងរាជអាវុធហត្ថ នាយកប៉ុស្តិ៍នគរបាលរដ្ឋបាលឃុំ មន្ត្រីឧទ្យានុរក្ស និងសិស្សានុសិស្ស ការសម្អាតអនាម័យនេះចាប់ពីរង្វង់មូលឬស្សីជ្រុំ រហូតដល់វិទ្យាល័យឬស្សីជ្រុំ ស្រុកថ្មបាំង ខេត្តកោះកុង។

ថ្ងៃសុក្រ ១២រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៩ ខែកញ្ញា ឆ្នាំ២០២៥