រដ្ឋបាលខេត្តកោះកុង

ស្រុកកោះកុង ៖ នៅព្រឹកថ្ងៃសុក្រ ១០រោច ខែស្រាពណ៍ ឆ្នាំជូត ទោស័ក ពុទ្ធសករាជ២៥៦៤ ត្រូវនឹងថ្ងៃទី១៤ ខែសីហា ឆ្នាំ២០២០ លោក សុខ ភិរម្យ អភិបាលរងស្រុក តំណាងលោក ជា សូវី អភិបាល នៃគណៈអភិបាលស្រុក ដឹកនាំក្រុមការងារស្រុក សហការជាមួយអាជ្ញាធរឃុំកោះកាពិ ចុះសម្របសម្រួលដល់ដល់អង្គការ ស៊ីប៊ីអិន កម្ពុជា (CBN) ចុះចែកអំណោយ និងណែនាំអំពីការបង្ការពីជំងឺ កូវីដ-១៩ ដល់ប្រជាពលរដ្ឋចំនួន ៥០គ្រួសារ ស្ថិតនៅភូមិកោះស្រឡៅ ឃុំកោះកាពិ ស្រុកកោះកុង ខេត្តកោះកុង ដែលដឹកនាំដោយលោកស្រី គីម ម៉ាលីន ប្រធានផ្នែកមនុស្សធម៌ នៃអង្គការ CBN កម្ពុជា និង លោក ទូច រិទ្ធី គ្រូគង្វាលព្រះវិហារពន្លឺនៃក្ដីស្រលាញ់ រួមនឹងក្រុមការងារសរុប ០៩នាក់ ស្រី ០៤នាក់។
អំណោយដែលប្រជាពលរដ្ឋទទួលបានក្នុងមួយគ្រួសាររួមមាន អង្ករ ០៥គីឡូក្រាម មី ០១កេស ត្រីខកំប៉ុង ០១យួរ និងប្រេងឆា ០១ដប ។ ជាមួយគ្នានេះដែរ អង្គការCBN កម្ពុជា ក៏បាននាំយក រទេះសម្រាប់ជនពិការ ជូនដល់លោកតា ខៀវ ឃិត អាយុ ៧២ឆ្នាំ ជាជនមានពិការភាព រស់នៅក្នុងភូមិកោះស្រឡៅ ឃុំកោះកាពិ ស្រុកកោះកុង ខេត្តកោះកុង ផងដែរ។

ប្រភព ៖ រដ្ឋបាលស្រុកកោះកុង