រដ្ឋបាលឃុំជីខក្រោម

នៅព្រឹកថ្ងៃពុធ ៥កើត ខែស្រាពណ៍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៣០ ខែកក្កដា ឆ្នាំ២០២៥
លោក ឆន ម៉ុន ជំទប់ទី១ឃុំ តំណាងលោក អាង ទី មេឃុំ និងជាប្រធានក្រុមប្រឹក្សាឃុំ អញ្ជើញដឹកនាំកិច្ចប្រជុំសាមញ្ញលើកទី៣៨ ឆ្នាំទី៣ អាណត្តិទី៥ របស់ក្រុមប្រឹក្សាឃុំជីខក្រោម កិច្ចប្រជុំនេះប្រព្រឹត្តទៅនៅសាលប្រជុំសាលាឃុំជីខក្រោម ស្រុកស្រែអំបិល ខេត្តកោះកុង។
សមាសភាពអញ្ជើញចូលរួម:
លោក លោកស្រី សមាជិក សមាជិកា ក្រុមប្រឹក្សាឃុំ ស្មៀនឃុំ ជំនួយការរដ្ឋបាល ជំនួយការហិរញ្ញវត្ថុឃុំ តំណាងប៉ុស្តិ៍នគរបាលរដ្ឋបាលជីខក្រោម ប្រធានប៉ុស្តិ៍សុខភាពជីខក្រោម លោក លោកស្រី មេភូមិ អនុភូមិ សមាជិកភូមិ មន្ត្រីកសិកម្មឃុំ លោកប្រធានសហគមន៍តំបន់ការពារធនធានធម្មជាតិតាបែន-ចំបក់ លោកប្រធានសហគមន៍តំបន់ឆ្នេរសមុទ្រកោះខ្យង និងអ្នកពាក់ព័ន្ធសរុបចំនួន ១៨រូប ស្រី ៤រូប។