រដ្ឋបាលខេត្តកោះកុង

រដ្ឋបាលសង្កាត់ដងទង់ បានបើកកិច្ចប្រជុំដេញថ្លៃគម្រោងសាងសង់ក្នុងសង្កាត់ដងទង់ ក្រោមអធិបតីភាព លោក លឹម ឌី ចៅសង្កាត់ដងទង់ និងជាម្ចាស់គម្រោង កិច្ចប្រជុំនេះមានការអញ្ជើញចូលរួមពីសំណាក់៖

-លោក លោកស្រី តំណាងក្រុមហ៊ុនដេញថ្លៃចំនួន០៥ក្រុមហ៊ុន

-មន្ត្រីបច្ចេកទេសខេត្ត ចំនួន០១រូប

-លោកប្រធានការិល័យផែនការក្រុង

-សមាជិកក្រុមប្រឹក្សាសង្កាត់ចំនួន០២រូប

-លោកមេភូមិទាំង៤ និងតំណាងប្រជាពលរដ្ឋ សរុបទាំងអស់២១នាក់  ស្រី០៦នាក់។  កិច្ចប្រជុំបានសិក្សា និងបានដេញថ្លៃទៅលើគម្រោងចំនួន០២ មានដូចខាងក្រោម÷

១- គម្រោងសាងសង់ផ្លូវបេតុងអាមេ ចំនួន០៣ខ្សែ 

  + ខ្សែទី១ មានប្រវែង ១៨៥ម៉ែត្រ

  + ខ្សែទី២ មានប្រវែង ១៥២ម៉ែត្រ

  + ខ្សែទី៣ មានប្រវែង ១៧៥ម៉ែត្រ 

២- គម្រោងសាងសង់លូ ចំនួន ០៥ខ្សែ

  + សាងសង់លូមូលដោះទឹក ចំនួន០៣ខ្សែ ប្រវែង ២៦០ម៉ែត្រ

  + សាងសង់លូជ្រុងដោះទឹក ចំនួន០២ខ្សែ ប្រវែង ៣២៦ម៉ែត្រ ។ បន្ទាប់ពីបូកសរុបលទ្ធផលការដេញថ្លៃ និងពិនិត្យគ្រប់លក្ខខណ្ឌ ក្រុមហ៊ុន « ទឹម រិន រតន: » ទទួលបានជោគជ័យក្នុងការដេញថ្លៃលើគម្រោងទាំង២តែម្ដង ដោយបានដេញក្នុងតម្លៃទាបជាងក្រុមហ៊ុនផ្សេងៗទៀត។ 

កិច្ចប្រជុំនេះបានរៀបចំឡើងនៅសាលាសង្កាត់ដងទង់      វេលាម៉ោង ៨,០០នាទីព្រឹក 

ថ្ងៃសុក្រ ២កើត ខែអាសាឍ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី២៧ ខែមិថុនា ឆ្នាំ២០២៥ June 27, 2025

#ប្រភពមកពីរដ្ឋបាលសង្កាត់ដងទង់#

•