រដ្ឋបាលខេត្តកោះកុង

វេលា ៨ៈ ៣០ នាទីព្រឹក លោក វ៉ាន់ សុផុន ជំទប់ទី១ឃុំជីផាត និងសមាជិកក្រុមប្រឹក្សាឃុំ បានអញ្ជើញចូលរួម កម្មវិធីផ្សព្វផ្សាយ ជំរុញសកម្មភាព ការបណ្ដុះគំនិតស្អាត និងបៃតង នៅតាមសហគមន៍មូលដ្ឋាន នៅសហគមន៍អេកូទេសចរណ៍ជីផាត និងសំអាតអនាម័យបរិស្ថាននៅតាមដងផ្លូវ និងទីសាធារណៈក្នុងឃុំជីផាត ស្រុកថ្មបាំង ខេត្តកោះកុង។ សមាសភាពចូលរួមមាន៖ មន្ត្រីភូមិបាលស្រុកថ្មបាំង ក្រុមប្រឹក្សាឃុំជីផាត ក្រុមគណៈកម្មាធិការសហគមន៍ជីផាត កងកម្លាំងប៉ុស្ដិ៍នគរបាល ក្រុមការងារមន្ត្រីបរិស្ថាន ព្រះសង្ឃ សមាជិកភូមិ លោកគ្រូ អ្នកគ្រូ និងសិស្សានុសិស្ស សរុបចំនួន ៩១ នាក់ ស្រី ៤៣ នាក់។

ថ្ងៃព្រហស្បតិ៍៩រោច ខែជេស្ឋ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៩ ខែមិថុនា ឆ្នាំ២០២៥