រដ្ឋបាលខេត្តកោះកុង

លោក ពេជ្រ សិលា អភិបាលរងស្រុក តំណាងឱ្យលោក ក្រូច បូរីសីហា អភិបាលស្រុកបូទុមសាគរ បានបើកកិច្ចប្រជុំសម្របសម្រួលបញ្ហាការរារាំងមិនឲ្យវាស់វែងចុះបញ្ជីដីធ្លី រវាងឈ្មោះ ឈន ផល្លា,ឈ្មោះ ឆាយ សុវណ្ណា,ឈ្មោះ សេក ដារ៉ា(ដើមបណ្ដឹង) និងឈ្មោះ ទូច ទួន(ចុងបណ្ដឹង) ស្ថិតនៅភូមិបាក់រនាស់ ឃុំតានូន ស្រុកបូទុមសាគរ ខេត្តកោះកុង នៅសាលាឃុំតានូន ដោយមានការចូលរួមពីអាជ្ញាធរ ភូមិ ឃុំ និងភាគីពាក់ព័ន្ធ។
ក្រោយពីប្រជុំពិភាក្សា និងចុះពិនិត្យវាស់វែងទីតាំងដីជាក់ស្ដែងរួចមក ក្រុមការងារជំនាញនឹងដំឡើងផែនទី គំនូសបង្ហាញតាមក្រោយ ហើយលោកប្រធានអង្គប្រជុំនឹងធ្វើការដោះស្រាយសម្របសម្រួលជាលើកទី២ម្ដងទៀតនៅពេលក្រោយ។

ថ្ងៃសុក្រ ៤កើត ខែជេស្ឋ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៣០ ខែឧសភា ឆ្នាំ២០២៥ វេលាម៉ោង ០៨:៣០ នាទីព្រឹក