លោក សុខ ភិរម្យ អភិបាលស្រុក និងជាប្រធានគណៈកម្មាធិ ការអនុសាខាកាកបាទក្រហមកម្ពុជាស្រុកមណ្ឌលសីមា បានដឹកនាំក្រុមការងារសហការជាមួយក្រុមប្រឹក្សាឃុំទួលគគីរ ចុះសួរសុខទុក្ខ និងនាំយកអំណោយរបស់អនុសាខា ប្រគល់ជូនប្អូនស្រី មូល ស្រីនិច អាយុ ១៦ឆ្នាំ មានជំងឺមហារីកជើង
លោក សុខ ភិរម្យ អភិបាលស្រុក និងជាប្រធានគណៈកម្មាធិ ការអនុសាខាកាកបាទក្រហមកម្ពុជាស្រុកមណ្ឌលសីមា បានដឹកនាំក្រុមការងារសហការជាមួយក្រុមប្រឹក្សាឃុំទួលគគីរ ចុះសួរសុខទុក្ខ និងនាំយកអំណោយរបស់អនុសាខា ប្រគល់ជូនប្អូនស្រី មូល ស្រីនិច អាយុ ១៦ឆ្នាំ មានជំងឺមហារីកជើងសម្រាកព្យាបាលនៅគេហដ្ឋាន រស់នៅភូមិតាចាត ឃុំទួលគគីរ ស្រុកមណ្ឌលសីមា ខេត្តកោះកុង និងដើម្បីអោយក្រុមគ្រួសារមាន លទ្ធភាពខ្លះយកប្អូនទៅព្យាបាលនៅមន្ទីរពេទ្យរាជធានីភ្នំពេញ។
អំណោយដែលសាខាប្រគល់ជូនរួមមាន៖ អង្ករ ២០គក្រ គ្រឿងឧបភោគបរិភោគ១កញ្ចប់ ទឹកសុទ្ធឱរ៉ាល់១កេស ព្រមទាំងថវិកា សរុបចំនួន ១,៧៥០,០០០រៀល ផងដែរ ក្នុងនោះមានសប្បុរសជនជួយមានដួចខាងក្រោម÷
១.លោក ក្រូច បូរីសីហា គណៈកម្មាធិការ ស.ស.យ.ក.ស្រុក ចំនួន ៥០០,០០០រៀល
២.លោកជំទាវ ថាច់ វណ្ណា សមាជិកក្រុមប្រឹក្សាខេត្តកោះកុង ចំនួន ៤០០,០០០រៀល
៣.គណៈកម្មាធិការ គ.ក.ស.ក ស្រុក ចំនួន ១០០,០០០រៀល
៤-លោកស្រី គង់ វាសនា ចំនួន ១០០,០០០រៀល
៥-លោក ស៊ឹម វឌ្ឍនា ចំនួន ៥០,០០០រៀល ។
ថ្ងៃសុក្រ ៤កើត ខែជេស្ឋ ឆ្នាំម្សាញ់ សប្តស័ក ព.ស.២៥៦៩
ត្រូវនឹងថ្ងៃទី៣០ ខែឧសភា ឆ្នាំ២០២៥
