រដ្ឋបាលខេត្តកោះកុង

លោកស្រី ពៅ ចន្ធី អនុប្រធានមន្ទីរផែនការខេត្តកោះកុង តំណាងលោកប្រធានមន្ទីរ បាននាំយកថវិកាសមាគមមន្ត្រីរាជការ នៃក្រសួងផែនការចំនួន ៥០០,០០០រៀល ឧបត្ថម្ភជូនមន្ត្រីសម្រាលកូន ចំនួន ០១រូប គឺ លោកស្រី ម៉ៅ គឹមហួរ ជាមន្រ្តីការិយាល័យផែនការ នៃមន្ទីរផែនការខេត្តកោះកុង នឹងសូមគោរពថ្លែងអំណរគុណ ចំពោះឯកឧត្តមរដ្ឋមន្ត្រី ឯកឧត្តម ប្រធានសមាគមមន្ត្រីរាជការ ទាំងនេះបង្ហាញអំពីការយកចិត្តទុកដាក់អំពីសុខទុក្ខ របស់សមាជិកសមាគម សូមគោរពអរគុណជូនពរ និងសូមបួងសួងដល់វត្ថុស័ក្កសិទ្ធក្នុងលោក សូមជួយបីបាច់ថែរក្សានិងប្រសិទ្ធពរជ័យ សិរីសួស្តី សុភមង្គល វិបុលសុខគ្រប់ប្រការ ជូនដល់ឯកឧត្តមរដ្ឋមន្ត្រី និង ឯកឧត្តមប្រធានសមាគមមន្ត្រីរាជការនៃក្រសួងផែនការ។

ថ្ងៃសុក្រ ៤កើត ខែជេស្ឋ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៣០ ខែឧសភា ឆ្នាំ២០២៥