ឯកឧត្តម លី សារ៉េត អនុប្រធានគណៈកម្មាធិការសាខាកាកបាទក្រហមកម្ពុជា ខេត្តកោះកុង បានរៀបចំដឹកនាំកិច្ចប្រជុំប្រចាំត្រីមាសទី២ និងឆមាសទី១ ឆ្នាំ២០២០ និងលើកទិសដៅភារកិច្ចបន្ត របស់សាខាកាកបាទក្រហមកម្ពុជា ខេត្តកោះកុង ដែលមានការចូលរួមពីសមាជិក សមាជិកា គណៈកម្មាធិការសាខា អនុសាខាទាំង៧ក្រុង/ស្រុក នាយកសាខា ក្រុមប្រតិបត្តសាខា មន្ត្រីទទួលបន្ទុកយុវជនកាកបាទក្រហម សរុបចំនួន ២៥ នាក់ ស្រី០៨នាក់។
ឯកឧត្តម លី សារ៉េត អនុប្រធានគណៈកម្មាធិការសាខាកាកបាទក្រហមកម្ពុជា ខេត្តកោះកុង បានរៀបចំដឹកនាំកិច្ចប្រជុំប្រចាំត្រីមាសទី២ និងឆមាសទី១ ឆ្នាំ២០២០ និងលើកទិសដៅភារកិច្ចបន្ត របស់សាខាកាកបាទក្រហមកម្ពុជា ខេត្តកោះកុង ដែលមានការចូលរួមពីសមាជិក សមាជិកា គណៈកម្មាធិការសាខា អនុសាខាទាំង៧ក្រុង/ស្រុក នាយកសាខា ក្រុមប្រតិបត្តសាខា មន្ត្រីទទួលបន្ទុកយុវជនកាកបាទក្រហម សរុបចំនួន ២៥ នាក់ ស្រី០៨នាក់ ។
ក្នុងឱកាសនោះ សាខាកាកបាទក្រហមកម្ពុជា ខេត្តកោះកុង ក៏បាន ប្រគល់អំណោយ ជា អាវពោងចំនួន ៤០០ អាវ ជូនអនុសាខាកាកបាទក្រហមកម្ពុជា ទាំង៧ ក្រុង/ស្រុក កងរាជអាវុធហត្ថខេត្ត តំបន់ប្រតិបត្តការសឹករង ស្នងការនគរបាលខេត្ត សម្រាប់បំពេញប្រតិបត្តិការមនុស្សធម៌ ដែលជាអំណោយរបស់ គណៈកម្មាធិការអន្តរជាតិកាកបាទក្រហម (ICRC)។
ជាមួយគ្នានេះ ឯកឧត្តម លី សារ៉េត អនុប្រធានគណៈកម្មាធិការសាខា បានពាំនាំប្រសាសន៍របស់លោកជំទាវ មិថុនា ភូថង ប្រធានគណៈកម្មាធិការសាខា ឯកឧត្តម ប៊ុន លើត ប្រធានកិត្តិយសាខា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលផ្តាំផ្ញើសួរសុខទុក្ខ និងក្តីនឹករលឹកដ៏ជ្រាលជ្រៅចំពោះ ក្រុមការងារ សាខា អនុសាខាកាកបាទក្រហមកម្ពុជា ក្រុង/ស្រុក ទាំង៧ ជាពិសេសសូមថ្លែងនូវការកោតសរសើរចំពោះសាខាទាំងអស់ដែលបានយកចិត្តទុកដាក់ ខិតខំប្រឹងប្រែងបំពេញការងារចុះជួយដល់ប្រជាពលរដ្ឋរងគ្រោះ និងងាយរងគ្រោះបំផុតបានយ៉ាងទាន់ពេលវេលា សក្តិសមជាជំនួយការឱ្យអាជ្ញាធរសាធារណៈក្នុងវិស័យមនុស្សធម៌ ជាពិសេស ក្នុងការចូលរួមចំណែកជាមួយរាជរដ្ឋាភិបាលកម្ពុជា ក្នុងការប្រយុទ្ធនឹងជំងឺកូវីដ-១៩ នៅកម្ពុជា ប្រកបដោយភាពជោគជ័យ និងមានប្រសិទ្ធភាពខ្ពស់នាពេលកន្លងមក ដែលអាចចាត់ទុកថាជាគំរូមួយសម្រាប់ពិភពលោក។
បន្ថែមពីនេះ ឯកឧត្តមអនុប្រធាន បានផ្តល់អនុសាសន៍ដល់អនុសាខាទាំងអស់ ត្រូវត្រៀម ក្នុងការបង្ការ និងឆ្លេីយតបគ្រោះទឹកជំនន់នារដូវវស្សានេះ ក៏ដូចជាគ្រោះអគ្គិភ័យ ខ្យល់ព្យុះ ខ្យល់កន្ត្រាក់ និងគ្រោះមហន្តរាយធម្មជាតិនានា។
ជាពិសេស សូមបន្តអនុវត្តនូវវិធានការនានារបស់រាជដ្ឋាភិបាល ក្នុងការទប់ស្កាត់រលកទី២ នៃជំងឺកូវីដ-១៩ និងទប់ស្កាត់ការផ្ទុះឡើងនៃជំងឺគ្រុនឈាម ដែលអាចកេីតមាននារដូវវស្សានេះ ដោយសូមយកចិត្តទុកដាក់ បន្តផ្សព្វផ្សាយជាប្រចាំអំពីសុវត្ថិភាពចរាចរណ៍ជូនដល់ប្រជាពលរដ្ឋ និងបន្តផ្តល់អំណោយជាស្បៀង-សម្ភារជូនប្រជាពលរដ្ឋងាយរងគ្រោះបំផុត ដើម្បីជួយសម្រាលដល់ជីវភាពក្នុងអំឡុងពេលនៃជំងឺកូវីដ-១៩នេះ ។
អាវពោងដែលសាខាបានប្រគល់ជូនរួមមាន៖
១.អនុសាខា ក្រុងខេមរភូមិន្ទ ចំនួន ៣០អាវ
២. អនុសាខា ស្រុកមណ្ឌលសីមា ចំនួន ៣៨អាវ
៣.អនុសាខាស្រុកកោះកុង ចំនួន ៣៤អាវ
៤.អនុសាខា ស្រុកបូទុមសាគរ ចំនួន ៣៤អាវ
៥.អនុសាខា ស្រុកស្រែអំបិល ចំនួន ៤៦អាវ
៦.អនុសាខា ស្រុកគិរីសាគរ ចំនួន ៣៤អាវ
៧.អនុសាខា ស្រុកថ្មបាំង ចំនួន ៣៤អាវ
៨.កងរាជអាវុធហត្ថខេត្ត ចំនួន ៣០អាវ
៩.ស្នងការនគរបាលខេត្ត ចំនួន ៣០អាវ
១០.តំបន់ប្រតិបត្តិការសឹករង ចំនួន ៣០អាវ ។
