រដ្ឋបាលខេត្តកោះកុង

លោកស្រី គង់ វាសនា អនុប្រធានគណៈកម្មាធិការអនុសាខា តំណាងលោក សុខ ភិរម្យ ប្រធានគណៈកម្មាធិការអនុសាខា បានដឹកនាំក្រុមការងារមកទទួលទេយ្យទានព្រះតេជគុណ ព្រះគ្រូ សន អូន លេខាធិការគណខេត្ត គណៈធម្មយុទ្ធកន្និកាយ វត្តព្រះធម្មសាគររារាម (វត្តពាមក្រសោប) ដែលបានបរិច្ចាគទេយ្យទានជាគ្រឿងឧបភោគបរិភោគ មានដូចជាអង្ករ ៤បាវ ស្មើនឹង២០០ គីឡូ មីម៉ាម៉ា៧កេស ទឹកផ្លែឈើ៣កេស ទឹកត្រីទន្សាយ៣កេស ទឹកត្រីធម្មតា១កេស ត្រីខ១កេស ទឹកស៊ីអ៊ីវ១កេស ស្ករស២០ គីឡូ ទឹកដោះគោ៣០កំប៉ុង និងបច្ច័យចំនួន ២០០,០០០រៀលជូនអនុសាខាកាកបាទក្រហមកម្ពុជា ស្រុកមណ្ឌលសីមាសម្រាប់យកមកចែកជូនប្រជាពលរដ្ឋជួបការលំបាកប្រចាំថ្ងៃ។
ក្នុងឱកាសនោះលោកស្រីអនុប្រធានគណៈកម្មាធិការអនុសាខា សូមថ្លែងអំណរគុណយ៉ាងជ្រាលជ្រៅបំផុតប្រគេនចំពោះ ព្រះតេជគុណ ព្រះគ្រូសូត្រស្តាំដែលមានទឹកព្រះទ័យជ្រះថ្លាបរិច្ចាគទេយ្យទានជាគ្រឿងឧបភោគបរិភោយ៉ាងច្រើនសន្ធឹកសន្ធាប់ជូនអនុសាខាដើម្បីបម្រើសកម្មភាពមនុស្សធម៌របស់អនុសាខា ។
ថ្ងៃពុធ ៣កើត ខែពិសាខ ឆ្នាំម្សាញ់ សប្ដស័ក ព.ស ២៥៦៨
ត្រូវនឹងថ្ងៃទី៣០ ខែមេសា ឆ្នាំ២០២៥