រដ្ឋបាលខេត្តកោះកុង

លោក សុខ សំអាត អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងជាអនុប្រធានគ្រប់គ្រងអនុកម្មវិធី ASPIRE ប្រចាំខេត្តកោះកុង បានអញ្ជើញជាអធិបតីភាព ក្នុងកម្មវិធីវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE) ប្រចាំខេត្តកោះកុង ដែលរៀបចំសម្របសម្រួលដោយក្រុមទីប្រឹក្សា អនុកម្មវិធី ASPIRE ខេត្តកោះកុង ក្រុមការងារអនុកម្មវិធី ASPIRE ប្រចាំស្រុកបូទុមសាគរ ភ្នាក់ងារផ្សព្វផ្សាយកសិកម្មឃុំ ព្រមទាំងអញ្ជើញចូលរួមពីជំទប់ទី២ លោកមេភូមិ និងកសិករអ្នកចិញ្ចិមមាន់ អ្នកលក់ធាតុចូល និងអ្នកទទួលទិញមាន់សរុបចំនួន ៥៣ នាក់ ស្រី ២២ នាក់។ ជាលទ្ធផល អង្គពិធីបានពិភាក្សាយ៉ាងផុលផុសអំពីគោលបំណងនៃការបង្កើតបណ្តុំ អត្ថប្រយោជន៍នៃការចូលរួមជាសមាជិកបណ្តំ បេសកកម្មនិងចក្ខុវិស័យរបស់កម្មវិធី ពីគ្រប់ភាគីទាំងអស់ និងបានយល់ច្បាស់ពីសារប្រយោជន៍នៃការចូលរួមបង្កើតបណ្តុំអាជីវកម្មមាន់។ សមាជិកអង្គពិធីបានឯកភាពគ្នាដោយបានលើកដៃ១០០% ក្នុងការចូលរួមជាសមាជិកបណ្តុំ នឹងបានបោះឆ្នោតជ្រើសរើស គណៈកម្មការបណ្តុំអាជីវកម្មមាន់ ដែលមានសមាជិកសរុប ៤២ នាក់។ គណៈកម្មការគ្រប់គ្រងបណ្តុំអាជីវកម្មមាន់ចំនួន ០៣ នាក់ ត្រូវបានបោះឆ្នោតជ្រើសរើស មានឈ្មោះដូចជា៖ ១. លោក នាង ផុន ប្រធានគណកម្មការ ២.កញ្ញា មឿង ឌីម អនុប្រធានគណកម្មការ ៣.លោកស្រី ឆេង វិ រដ្ឋបាល និងហិរញ្ញិក សម្រាប់ទិសដៅបន្ត៖ ១. ចុះប្រមូលទិន្នន័យគ្រួសារបណ្តុំ ដោយដាក់បញ្ចូលទៅក្នុងប្រព័ន្ធគ្រប់គ្រងព័ត៌មាន MIS។ ២. រៀបចំវេទិកាអ្នកពាក់ព័ន្ធច្រើនភាគី MSP ។ ៣. ការគាំទ្រគ្រួសារបណ្តុំ និងណែនាំឲ្យចេះបំពេញផែនការអាជីវកម្ម។