រដ្ឋបាលខេត្តកោះកុង

លោក ប៉ែន ប៊ុនឈួយ អភិបាលរងស្រុក និងជាអនុប្រធានគណ: បញ្ជាការឯកភាពរដ្ឋបាលស្រុក បានដឹកនាំក្រុមការងារគណៈបញ្ជាឯកភាពរដ្ឋបាលស្រុក សហការជាមួយក្រសួងការងារ កម្លាំងអន្តោប្រវេសន៍ច្រកទ្វារអន្តរជាតិចាំយាម ចុះជួយសម្រួលដល់ការធ្វើដំណើររបស់ពលករខ្មែរ ដែលបានទៅធ្វើការនៅប្រទេសថៃក្នុងការវិលត្រឡប់មកលេងស្រុកវិញ ក្នុងឱកាសបុណ្យចូលឆ្នាំប្រពៃណីជាតិខ្មែរ ។
ជាលទ្ធផលក្រុមការងារបានជួយអន្តរាគមន៍ដល់ពលករខ្មែរចំនួន៦នាក់ ក្នុងនោះមានស្រីចំនួន១នាក់ និងឃាត់ខ្លួនមេខ្យល់ ចំនួន១នាក់ ដែលមានបំណងយកលុយបន្ថែមពីពលករចេញពីប្រទេសថៃដែលមកលេងស្រុក ក្នុងមួយនាក់១,០០០បាត នៅលើទឹកដីខ្មែរ នៅត្រង់ចំណុចច្រកទ្វារអន្តរជាតិចាំយាម និងបានបញ្ជូនបុគ្គលម្នាក់ដែលជាមេខ្យល់នោះឲ្យទៅកម្លាំងនគរបាលអធិការដ្ឋានស្រុកដើម្បីធ្វើកិច្ចសន្យាកុំឲ្យប្រព្រឹត្តអំពើបែបនេះបន្តទៅទៀតដើម្បីបញ្ជៀសភាពអសកម្មនៅតាមព្រំដែន។
ថ្ងៃពុធ ១២កើត ខែចេត្រ ឆ្នាំរោង ឆស័ក ព.ស ២៥៦៨
ត្រូវនឹងថ្ងៃទី៩ ខែមេសា ឆ្នាំ២០២៥
វេលាម៉ោង២:០០នាទីរសៀល