រដ្ឋបាលខេត្តកោះកុង

កម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE)នៃមន្ទីរកសិកម្ម រុក្ខាប្រមាញ់ និងនេសាទខេត្តកោះកុង បានរៀបចំកិច្ចប្រជុំស្តីពី ការចងក្រងបណ្តុំអាជីវកម្ម និងរៀបចំរចនាសម្ព័ន្ធគ្រប់គ្រង សំម្រាប់បណ្តុំអាជីវកម្មឃ្មុំ ដែលកិច្ចប្រជុំនេះរៀបចំនៅវត្តជីខលើ ភូមិឈូក ឃុំជីខលើ ស្រុកស្រែអំបិល ខេត្តកោះកុង។
កម្មវិធីប្រជុំនេះប្រព្រឹត្តិទៅក្រោមអធិបតីភាព លោក សុខ សំអាត អនុប្រធានមន្ទីរកសិកម្ម រុក្ខាប្រមាញ់ និង នេសាទខេត្តកោះកុង និងជាអនុប្រធានគ្រប់គ្រងអនុកម្មវិធី ASPIRE ប្រចាំខេត្តកោះកុង និងមានការចូលរួមពីលោក ប្រាក់ ប៊ុន្នី នាយខណ្ឌរដ្ឋបាលព្រៃឈើខេត្តកោះកុង ហើយចូលរួមរៀបចំសម្របសម្រួលដោយក្រុមទីប្រឹក្សាអនុកម្មវិធី ASPIRE ខេត្តកោះកុង ក្រុមការងារអនុកម្មវិធី ASPIRE ប្រចាំ ស្រុកស្រែអំបិល និងខេត្តកោះកុង ព្រមទាំងអញ្ជើញចូលរួមពីសមាជិកឃុំជីខលើ លោកមេភូមិ និងកសិករ អ្នកផលិតឃ្មុំ អ្នកលក់ធាតុចូល និងអ្នកទទួលទិញទឹកឃ្មុំ សរុបចំនួន ៥៣នាក់ ស្រី ១៤នាក់។
ប្រធានបទដែលបានលើកឡើងក្នុងអង្គពិធីនេះរួមមាន៖
១.កិច្ចពិភាក្សាស្វែងយល់ពី បទពិសោធន៍ បញ្ហាជួបប្រទះ លើអាជីវកម្មឃ្មុំ
២.កិច្ចពិភាក្សាស្វែងយល់ពីសារៈប្រយោជន៍នៃការចូលរួមបង្កើតបណ្តុំអាជីវកម្មឃ្មុំ
៣.ការរៀបចំបោះឆ្នោត និងរៀបចំរចនាសម្ព័ន្ធគ្រប់គ្រងបណ្តុំ
៤.ផែនការបន្ត
*លទ្ធផល
អង្គពិធីបានពិភាក្សាយ៉ាងផុលផុស ដោយមានការចូលរួមពីគ្រប់ភាគីទាំងអស់ និងបានយល់ច្បាស់ពីសារៈប្រយោជន៍នៃការចូលរួមបង្កើតបណ្តុំអាជីវកម្មឃ្មុំ ហើយក្នុងនោះសមាជិកអង្គពិធីបានឯកភាពគ្នាដោយបានលើកដៃ១០០%ក្នុងការចូលរួមជាបណ្តុំ នឹងបានបោះឆ្នោតជ្រើសរើសគណៈកម្មការបណ្តុំអាជីវកម្មឃ្មុំ ដែលមានសមាជិកចូលរួមសរុប ៤២នាក់

គណៈកម្មការគ្រប់គ្រងចំនួន៣នាក់ដូចមានឈ្មោះខាងក្រោម៖
១.លោក អ៉ីកែវ ប្រធានគណៈកម្មការ
២.លោក ហូ វ៉ាន់ អនុប្រធានគណៈកម្មការ
៣.លោកស្រី ជឹម ស្រីធួន រដ្ឋបាល និងហិរញ្ញឹក
ទិសដៅបន្ត
១.ចុះប្រមូលទិន្នន័យគ្រួសារបណ្តុំ បញ្ចូលទៅក្នុងប្រព័ន្ធពត៌មានសម្រាប់ការគ្រប់គ្រង (MIS)
២.រៀបចំវេទិកាអ្នកពាក់ព័ន្ធចម្រុះ
៣.គាំទ្រគ្រួសារបណ្តុំដើម្បីបំពេញផែនការអាជីវកម្ម។