លោកស្រី អ៊ុក កន្និកា ជំទប់ទី១ និងលោក ហួន ណាក់ ជំទប់ទី២ និងលោកស្រី ស៊ើត សុខុម សមាជិកក្រុមប្រឹក្សាឃុំ និងជាអ្នកទទួលបន្ទុកកិច្ចកានារី និងកុមារឃុំ បានចូលរួមជាធិបតី ក្នុងព្រឹត្តិការណ៍អប់រំ ឆ្នាំ២០២៥ ទិវាសិទ្ធិនារីអន្តរជាតិ ទិវាជាតិអំណាន និង ទិវាសុខភាពពិភពលោក
តាតៃក្រោម,ថ្ងៃអង្គារ ១៣កើត ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១១ ខែមីនា ឆ្នាំ២០២៥
កម្មវិធីនេះឡើង ក្នុងគោលបំណងបង្កើតបរិយាកាសអប់រំ ដោយផ្សារភ្ជាប់ទំនាក់ទំនងរវាងសាលារៀន និងសហគមន៍ ឈរលើស្មារតីជួយជម្រុញ គាំទ្រ លើកកម្ពស់ការអាន និង ការថែទាំសុខភាពតាមរយៈសកម្មភាពធំៗចំនួន៤ រួមមាន៖
១. ការប្រកួតវិធីសាស្រ្តអានបែបជប៉ុន (Biblio Battle Competition)
២. ការបង្ហាញផ្ទាំងរូបភាព ( Kamishibai)
៣. ការវាស់វែងរាងកាយដល់សហគមន៍ (វាស់កម្ពស់ ថ្លឹងទម្ងន់ និងវាស់សម្ពាធឈាម)
៤. ព្រឹត្តិការណ៍កីឡា លេងល្បែងជុំគ្នា ក្នុងរវាងសហគមន៍ លោកគ្រូ-អ្នកគ្រូ និងសិស្សានុសិស្ស
សមាសភាពចូលរួម លោក បាន ចាន្នារិទ្ធិ ប្រធានប៉ុស្ដិ៍សុខភាពតាតៃក្រោម លោក នួន នឿន មេប៉ុស្ដិ៍នគរបាលរដ្ឋបាលឃុំតាតៃក្រោម ព្រះតេជគុណ ឡាន់ អន លេខាគណខេត្ត គណៈកម្មការគ្រប់គ្រងសាលារៀន លោកគ្រូ-អ្នកគ្រូ សិស្សានុសិស្ស ព្រមទាំងអាណាព្យាបាលសិស្ស នៅសាលាបឋម និងអនុវិទ្យាល័យតាតៃ។
