រដ្ឋបាលខេត្តកោះកុង

នៅថ្ងៃពុធ ១០កើត ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៨ ខែមករា ឆ្នាំ២០២៥ លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យបង្អែកខេត្តកោះកុង អមដំណើរដោយថ្នាក់ដឹកនាំមន្ទីរពេទ្យ ពិតជាមានក្ដីសោមនស្ស រីករាយ ឥតឧបមាដែលបានទទួលកាដូជាព្រះកេសព្រះបាទជ័យវរ្ម័នទី៧ ផលិតពីឈើប្រណិតដ៏ស្រស់ស្អាត ចំនួនមួយ ដែលជាកាដូលើកទឹកចិត្តដ៏ថ្លៃថ្លាពីក្រសួងសុខាភិបាលនៃព្រះរាជាណាចក្រកម្ពុជា តាមរយៈលោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលនៃរដ្ឋបាលខេត្តកោះកុង ។

ថ្នាក់ដឹកនាំមន្ទីរពេទ្យបង្អែកខេត្តកោះកុង ព្រមទាំងមន្ត្រី បុគ្គលិកទាំងអស់សូមគោរពថ្លែងអំណរគុណយ៉ាងជ្រាលជ្រាលជ្រៅ និងសូមគោរពប្រសិទ្ធពរជ័យចំពោះឯកឧត្ដមសាស្តាចារ្យ រដ្ឋមន្ត្រីក្រសួងសុខាភិបាល និងក្រុមគ្រួសារ ថ្នាក់ដឹកនាំ ព្រមទាំងមន្ត្រីរាជការនៃក្រសួងសុខាភិបាលទាំងអស់សម្រេចជោគជ័យគ្រប់ភារកិច្ចថ្មីៗបន្ថែមទៀត និងសូមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។

ថ្ងៃពុធ ១០កើត ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៨ ខែមករា ឆ្នាំ២០២៥។