សេចក្តីជូនដំណឹង ស្តីពី ការចុះអនុវត្ដន៍កំណត់ព្រំវាស់វែងដីធ្លី ដើម្បីចុះបញ្ជីដែលមានលក្ខណៈជាប្រព័ន្ធ ចំនួន ០៥ភូមិ មានភូមិជីត្រេះ, ភូមិប្រៃ, ភូមិតាអុក, ភូមិប្រទាល, ភូមិតាមាឃ ឃុំអណ្តូងទឹក ស្រុកបូទុមសាគរ ខេត្តកោះកុង`

រដ្ឋបាលស្រុកបូទុមសាគរ សូមជម្រាបជូនដំណឹងដល់សាធារណជន និងអង្គភាពនានា ដែលមានការពាក់ព័ន្ធ នឹងក្បាលដីទាំងអស់ ស្ថិតនៅក្នុងភូមិជីត្រេះ  ភូមិប្រៃ  ភូមិតាអុក  ភូមិប្រទាល  និងភូមិតាមឃ ឃុំអណ្ដូងទឹក ស្រុកបូទុមសាគរ ខេត្តកោះកុង ឱ្យបានជ្រាបថាៈ គណៈកម្មការរដ្ឋបាល នឹងផ្សព្វផ្សាយសេចក្តីសម្រេចកំណត់តំបន់សម្រាប់ ធ្វើការវាស់វែង ដើម្បីចុះបញ្ជីដីធ្លីដែលមានលក្ខណៈជាប្រព័ន្ធ ដែលចាប់ផ្តើមអនុវត្តន៍ដូចខាងក្រោម៖

     -ភូមិជីត្រេះ ចាប់ពីថ្ងៃទី ០៤ ខែវច្ឆិកា ឆ្នាំ២០២៤ ចាប់ផ្តើមត្រង់ចំណុចផ្ទះ លោក មេភូមិជីត្រេះ    

     -ភូមិប្រៃ ចាប់ពីថ្ងៃទី ០៤ ខែវច្ឆិកា ឆ្នាំ២០២៤ ចាប់ផ្តើមត្រង់ចំណុចផ្ទះ លោក មេភូមិប្រៃ    

     -ភូមិចំនួន ០៣ ទៀត រដ្ឋបាលស្រុកបូទុមសាគរ និងជូនដំណឹងកាលរិច្ទេទចុះវាស់វែងតាមក្រោយ

      អាស្រ័យដូចបានជម្រាបជូនខាងលើ សូមសាធារណជន និងអង្គភាពនានាដែលមានការពាក់ព័ន្ធនឹងក្បាលដីទាំងអស់ក្នុងតំបន់ភូមិសាស្ត្រខាងលើនេះ មេត្តាចូលរួមសហការវាស់វែង និងត្រៀមឯកសារដែលពាក់ព័ន្ធរួមមាន៖                        -ឯកសារដីធ្លី                      -អត្តសញ្ញាណប័ណ្ណ (ថតចម្លងតាមច្បាប់ដើម) សំបុត្រកំណើត (ថតចម្លងតាមច្បាប់ដើម)    -សៀវភៅគ្រួសារ សៀវភៅស្នាក់នៅ ឫសំបុត្រអាពាហ៍ពិពាហ៍(ថតចម្លងតាមច្បាប់ដើម)

     ទទួលបានសេចក្តីជូនដំណឹងនេះ រដ្ឋបាលស្រុកបូទុមសាគរ សង្ឃឹមជឿជាក់ថា សាធារណជន និងអង្គភាពនានា ដែលមានការពាក់ព័ន្ធនឹងក្បាលដីទាំងអស់ និងឆ្លៀតឱកាសចូលរួមបំពេញកាតព្វកិច្ច ក្នុងការចុះបញ្ជីដីដែលមានលក្ខណៈជាប្រព័ន្ធយ៉ាងផុលផុស។

ប្រភព:រដ្ឋបាលស្រុកបូទុមសាគរ

====================

ថ្ងៃសៅរ៍ ២កើត ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២ ខែវិច្ឆិកា ឆ្នាំ២០២៤