មន្ទីរអប់រំ យុវជន និងកីឡាខេត្តកោះកុង បានរៀបចំប្រជុំណែនាំទូទៅអំពីបច្ចេកទេសការងារប្រឡងដល់គណ:មេប្រយោគទូទាំងប្រទេស ប្រចាំខេត្ត គណ:កម្មការអប្បមាទ ប្រធានមណ្ឌល អនុប្រធានមណ្ឌល ក្រោមអធិបតីភាពឯកឧត្តមបណ្ឌិត អ៊ុម រម្យណី រដ្ឋលេខាធិការក្រសួងអប់រំ យុវជន និងកីឡា និងជាប្រធានគណៈមេប្រយោគទូទាំងប្រទេសប្រចាំខេត្តកោះកុង ឯកឧត្តម ប៉ូ ផល្លា ប្រធានក្រុមACU លោកស្រី ឈី វ៉ា អភិបាលរង នៃគណៈអភិបាលខេត្តតំណាងដ៏ខ្ពង់ខ្ពស់លោកជំទាវអភិបាល នៃគណៈអភិបាលខេត្តកោះកុង លោក ង៉ែត ឡឹង ប្រធានមន្ទីរអប់រំ យុវជន និងកីឡាខេត្ត និងជាអនុប្រធានគណៈមេប្រយោគទូទាំងប្រទេស ដោយមានការចូលរួមពីលោក លោកស្រី សមាជិកACU អប្បមាទទូទាំងប្រទេស គណៈមណ្ឌលទាំងបី តំណាងកងកម្លាំងទាំងបីរក្សាសុវត្ថិភាពមណ្ឌលប្រឡង តំណាងសុខាភិបាលខេត្តសរុបទាំងអស់ ៣៩នាក់ ស្រី ០៣នាក់ នៅសាលប្រជុំតូច នៃមន្ទីរអប់រំ យុវជន និងកីឡាខេត្តកោះកុង។
ថ្ងៃអាទិត្យ ៤ កើត ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៦ ខែតុលា ឆ្នាំ២០២៤ អត្ថបទដោយ៖ ឡុច ភារុន
