ការិយាល័យសុវត្ថិភាពចរាចរណ៍ នៃមន្ទីរសាធារណការ និងដឹកជញ្ជូនខេត្តកោះកុង ចុះអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក និងចងបដាអប់រំដល់ប្រជាពលរដ្ឋអ្នកប្រើប្រាស់ផ្លូវក្នុងឱកាសបុណ្យកាន់បិណ្ឌ និងភ្ជុំបិណ្ឌ
ការិយាល័យសុវត្ថិភាពចរាចរណ៍ នៃមន្ទីរសាធារណការ និងដឹកជញ្ជូនខេត្តកោះកុង ដឹកនាំដោយលោក ផាត់ សេង អនុប្រធានមនី្ទរ បានចុះអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក និងចងបដាអប់រំដល់ប្រជាពលរដ្ឋអ្នកប្រើប្រាស់ផ្លូវក្នុងឱកាសបុណ្យកាន់បិណ្ឌ និងភ្ជុំបិណ្ឌខាងមុខនេះ ដើម្បីកាត់បន្ថយគ្រោះថ្នាក់នៅលើដងផ្លូវសំខាន់ៗក្រុងខេមរភូមិន្ទ និងស្រុកមណ្ឌលសីមា ទីតាំងផ្សារភូមិថ្មី ផែស្ងួត បានចែកជូននូវសម្ភារៈមួយចំនួនដូចជា:
១.សៀវភៅច្បាប់ចរាចរណ៍ផ្លូវគោកចំនួន ១២០ក្បាល
២.សៀវភៅអ្វីៗដែលអ្នកបើកបរទោចក្រយានយន្តត្រូវយល់ដឹងចំនួន ២០០ក្បាល
៣.ស្ទីកឃ័រចំណាំងផ្លាតចំនួន ២០០សន្លឹក
៤.ប្រការសំខាន់ៗដែលត្រូវចងចាំចំពោះអ្នកប្រើប្រាស់ផ្លូវចំនួន ២០០សន្លឹក
៥.ថ្ងៃនេះ ថ្ងៃស្អែកកុំអោយមានគ្រោះថ្មាក់ចរាចរណ៍ចំនួន ៦ផ្ទាំង
៦.បដាចំនួន ២ផ្ទាំង
៧.អ្វីដែលអ្នកបើកបរត្រូវដឹងចំនួន ១០០សន្លឹក៕
