រដ្ឋបាលខេត្តកោះកុង

ស្រុកកោះកុង៖ ថ្ងៃចន្ទ ៦រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៣ ខែកញ្ញា ឆ្នាំ២០២៤ លោក ជា សូវី អភិបាល នៃគណៈអភិបាលស្រុកកោះកុង និងជាប្រធានកិត្តិយសគណៈកម្មាធិការ សមាគមអតីតយុទ្ធជនកម្ពុជាស្រុកកោះកុង បានជួបសំណេះសំណាលសួរសុខទុក្ខ សមាជិកអតីតយុទ្ធជនកម្ពុជាស្រុកកោះកុង និងបាននាំយកអំណោយរបស់សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុនី ប្រគល់ជូនដល់ សមាជិកអតីតយុទ្ធជនកម្ពុជាស្រុកកោះកុង ចំនួន១៧រូប  ក្នុងម្នាក់ៗទទួលបានថវិកាចំនួន២០,០០០រៀល អង្ករចំនួន១បាវតូច ២៥គីឡូក្រាម និងគ្រឿងឧបភោគបរិភោគមួយចំនួន ក្នុងនោះ លោក ជា សូវី អភិបាល នៃគណៈអភិបាលស្រុក ជាប្រធានកិត្តិយសស្រុកកោះកុងបាន ឧបត្ថម្ភថវិកាបន្ថែមក្នុងម្នាក់ៗទទួលបាន ចំនួន ៤០,០០០រៀល ។