លោកស្រី ឡុក សុម៉ាម៉េត អនុប្រធានមន្ទីរកិច្ចការនារីខេត្ត និងមន្រ្តី ០២រូប បានចូលរួមវគ្គបណ្តុះបណ្តាលស្តីពីច្បាប់ និងឯកសារក្បួននីតិវិធីប្រតិបត្តិការរបស់មន្រ្តី/ភ្នាក់ងារនគរបាលយុត្តិធម៌ ក្រោមអធិបតីភាព លោកជំទាវ ហ៊ូ សាមិត្ត រដ្ឋលេខាធិការក្រសួងកិច្ចការនារី និងមានសមាសភាពចូលរួមមកពីខេត្តចំនួន០៩ មានខេត្តកោះកុង ខេត្តព្រះសីហនុ ខេត្តព្រៃវែង ខេត្តស្វាយរៀង ខេត្តកំពង់ស្ពឺ ខេត្តកណ្តាល ខេត្តកំពត ខេត្តកែប និងខេត្តតាកែវ សរុបចំនួន ៤៧នាក់ ស្រី៣៩នាក់ នៅទីរួមខេត្តតាកែវ។
វគ្គបណ្ដុះបណ្ដាលនេះមានគោលបំណង៖ ពង្រឹងសមត្ថភាពមន្រ្តី/ភ្នាក់ងារនគរបាលយុត្តិធម៌ ក្នុងការជួយជនរងគ្រោះបានទាន់ពេលវេលា ព្រមទាំងបំពេញភារកិច្ចរបស់ខ្លួនអោយកាន់តែមានប្រសិទ្ធភាពខ្ពស់។
ថ្ងៃពុធ ២កើត ដល់ថ្ងៃសុក្រ ៤កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹង ថ្ងៃទី៤-៦ ខែកញ្ញា ឆ្នាំ២០២៤
#មន្ទីរកិច្ចការនារីខេត្តកោះកុង
