លោក សុខ សុទ្ធី អភិបាលរង នៃគណៈអភិបាលខេត្តកោះកុង បានអញ្ជើញដឹកនាំកិច្ចប្រជុំពិភាក្សា ដើម្បីរកវិធីសាស្ត្រដោះស្រាយបញ្ហាដីធ្លី ស្ថិតនៅភូមិព្រែកស្វាយ សង្កាត់ស្ទឹងវែង ក្រុងខេមរភូមិន្ទ ដែលមានសមាសភាពចូលរួមពី រដ្ឋបាលក្រុង និងមន្ទីរបរិស្ថានខេត្តកោះកុង។
លោកអភិបាលរងខេត្ត ស្នើសុំឲ្យរដ្ឋបាលក្រុងខេមរភូមិន្ទ និងមន្ទីរបរិស្ថានខេត្ត អនុវត្តរួមគ្នា ដោយយកវិធីសាស្ត្ររួមតែមួយ ក្នុងការដោះស្រាយបញ្ហានេះ រួចធ្វើរបាយការណ៍លទ្ធផលរួមមួយ ក្នុងនាមក្រុមការងារ ដើម្បីជូនថ្នាក់ដឹកនាំខេត្តជ្រាបប្រចាំ អំពីវឌ្ឍនភាព នៃការដោះស្រាយ៕
