នាព្រឹកថ្ងៃព្រហស្បតិ៍ ១០ រោច ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៩ ខែសីហា ឆ្នាំ២០២៤
នៅសាលប្រជុំមន្ទីរផែនការខេត្តកោះកុង បានបើកវគ្គបណ្តុះបណ្តាលការរៀបចំនិងកសាងផែនការអភិវឌ្ឍន៍រយៈពេល៥ឆ្នាំ និងកម្មវិធីវិនិយោគ៣ឆ្នាំរំកិល របស់រដ្ឋបាលក្រុងស្រុក ក្រោមអធិបតីភាព បណ្ឌិត អ៊ុក ភ័ក្រ្តា អភិបាលរង នៃគណៈអភិបាលខេត្ត និងជាអនុប្រធានក្រុមការងារកសាងផែនការខេត្ត ព្រមទាំងមានការអញ្ជើញចូលរួមពី លោក អៀត វណ្ណា ប្រធានមន្ទីរផែនការខេត្ត លោក លោកស្រី អភិបាលរង ក្រុងស្រុក ក្រុមប្រឹក្សា មេឃុំ ចៅសង្កាត់ ក្រុមការងារកសាងផែនការក្រុងខេមរភូមិន្ទ និងស្រុកមណ្ឌលសីមា សរុប ៦៥នាក់ ស្រី ១១នាក់។
គោលបំណងវគ្គបណ្ដុះបណ្ដាលនេះ គឺដើម្បីឱ្យក្រុមប្រឹក្សាអាណត្តិថ្មី និងក្រុមការងារកសាងផែនការក្រុង ស្រុក និងឃុំ សង្កាត់ បានយល់ដឹងបន្ថែមអំពីនីតិវិធីនៃដំណើរការរៀបចំ និងកសាងផែនការអភិវឌ្ឍន៍៥ឆ្នាំ និងកម្មវិធីវិនិយោគបីឆ្នាំរំកិល សម្រាប់រដ្ឋបាលក្រុង ស្រុក បានទាន់ពេលវេលា និងមានសង្គតិភាពជាមួយនឹងផែនការយុទ្ធសាស្រ្តខេត្ត ។
