នាព្រឹកថ្ងៃព្រហស្បតិ៍ ១០ រោច ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៩ ខែសីហា ឆ្នាំ២០២៤ លោកស្រី ពៅ ចន្ធី អនុប្រធានមន្ទីរ តំណាងលោក អៀត វណ្ណា ប្រធានមន្ទីរផែនការខេត្ត បានដឹកនាំក្រុមការងារ ចូលរួមកិច្ចប្រជុំស្ដីពី វឌ្ឍនភាពនៃការអនុវត្តការងារអត្តសញ្ញាណកម្មគ្រួសារក្រីក្រ និងការធ្វើបច្ចុប្បន្នភាពទិន្នន័យ ក្រោមអធិបតីភាព ឯកឧត្ដម ថេង បញ្ញាធន ប្រតិភូរាជរដ្ឋាភិបាលទទួលបន្ទុកអគ្គនាយកផែនការ នៃក្រសួងផែនការ តាមប្រព័ន្ធវីដេអូសន្និសីទ (Zoom ) នៅមន្ទីរផែនការខេត្តកោះកុង 

គោលបំណងនៃកិច្ចប្រជុំនេះគឺជំរុញឱ្យមានវឌ្ឍនភាពការចុះឈ្មោះចូលក្នុងកម្មវិធីកញ្ចប់គ្រួសារ ពាក់ព័ន្ធនិងក្រុមគោលដៅដែលងាយរងគ្រោះ (អេដស៍ និងពិការ) វឌ្ឍនភាពស្ដីពីការធ្វើបច្ចុប្បន្នភាពទិន្នន័យគ្រួសារជិតផុតសុពលភាព បញ្ហាប្រឈម និងភាពមិនប្រក្រតីដែលទទួលបានពីការតាមដានត្រួតពិនិត្យនៃក្រុមការងារថ្នាក់ជាតិ និងបញ្ហាប្រឈមដែលបានលើកឡើងអំឡុងពេលនៃកិច្ចប្រជុំក្រុមប្រឹក្សាជាតិគាំពារសង្គម ។