លោក ស្រេង ហុង អភិបាលរង នៃគណៈអភិបាលខេត្តកោះកុង បានអញ្ជើញជាអធិបតី ដឹកនាំកិច្ចប្រជុំ ពិភាក្សា និងផ្តល់ទិន្នន័យសមិទ្ធផលសំខាន់ៗ នៃការអនុវត្តគោលនយោបាយ ឈ្នះ ឈ្នះ ។

លោកអភិបាលរងខេត្ត បានលើកឡើងថាសមិទ្ធផលសំខាន់ៗ និងរូបថតចាប់តាំងពីឆ្នាំ១៩៩៨ រហូតមកដល់បច្ចុប្បន្ន របស់អង្គភាពទាំងអស់ ពិតជាមានសារៈសំខាន់ សម្រាប់ចងក្រងជាឯកសារសំខាន់ៗ និងជាសមិទ្ធិផល ដែលបានកើតចេញពីនយោបាយ ឈ្នះ ឈ្នះ របស់សម្តេចនាយករដ្ឋមន្ត្រី នៃព្រះរាជាណាចក្រកម្ពុជា។ សូមអស់លោក លោកស្រី ស្វែងរក និងជ្រើសរើសអោយបានល្អ ដើម្បីបង្ហាញអោយឃើញកាន់តែច្បាស់អំពីតម្លៃពិត នៃការអនុវត្តគោលនយោបាយ ឈ្នះ ឈ្នះ សម្រាប់ទុកជាការសិក្សាស្រាវជ្រាវបន្តរបស់អ្នកជំនាន់ក្រោយៗទៀត៕