រដ្ឋបាលខេត្តកោះកុង

តាងនាមឱ្យក្រុមប្រឹក្សាស្រុកកោះកុង ខេត្តកោះកុង ខ្ញុំមានកិត្តិយស សូមគោរពជម្រាបជូនដំណឹងដល់ មន្ត្រីរាជការគ្រប់លំដាប់ថ្នាក់ ការិយាល័យ អង្គភាព ចំណុះរដ្ឋបាលស្រុក អង្គភាពជុំវិញស្រុក សាធារណៈជន និងអង្គការដៃគូពាក់ព័ន្ធនានា ជាពិសេសបងប្អូនប្រជាពលរដ្ឋ អាជីវករ អ្នកធ្វើអាជីវកម្មនៅក្នុងមូលដ្ឋានស្រុកកោះកុង ទាំងអស់ មេត្តាជ្រាបថា ៖ ក្រុមប្រឹក្សាស្រុកកោះកុង នឹងបើកកិច្ចប្រជុំសាមញ្ញលើកទី២ អាណត្តិទី៤ ដើម្បីពិនិត្យ និងអនុម័តលើសេចក្តីព្រាងប្រតិទិន្ន នៃកិច្ចប្រជុំសាមញ្ញរយៈពេល១២ខែ និងសេចក្តី ព្រាងបទបញ្ជាផ្ទៃក្នុងរបស់ក្រុមប្រឹក្សាស្រុកកោះកុង អាណត្តិទី២ ព្រមទាំងបញ្ហាផ្សេងៗមួយចំនួនរបស់រដ្ឋបាលស្រុកកោះកុង ដែលនឹងប្រព្រឹត្តទៅនៅថ្ងៃសុក្រ ០៦រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៦ ខែកក្កដា ឆ្នាំ២០២៤ វេលាម៉ោង ៨:០០ នាទីព្រឹក នៅសាលប្រជុំសាលាស្រុកកោះកុង ។

អាស្រ័យដូចបានគោរពជម្រាបជូនដំណឹងខាងលើ សូម មន្ត្រីរាជការគ្រប់លំដាប់ថ្នាក់ ការិយាល័យ អង្គ ភាព ចំណុះរដ្ឋបាលស្រុក អង្គភាពជុំវិញស្រុក សាធារណៈជន និងអង្គការសង្គមស៊ីវិលនានា ជាពិសេស បងប្អូន ប្រជាពលរដ្ឋ អាជីវករ អ្នកធ្វើអាជីវកម្មនៅក្នុងមូលដ្ឋានស្រុកកោះកុងទាំងអស់ទទួលជ្រាបជាព័ត៌មាន និងអញ្ជើញ ចូលរួមស្តាប់នូវខ្លឹមសារ នៃកិច្ចប្រជុំនេះ តាមកាលបរិច្ឆេទ និងទីកន្លែងខាងលើតាមការគួរ ។