អាជ្ញាធរមូលដ្ឋាន បានអញ្ជើញចុះសួរសុខទុក្ខ និងនាំយកអំណោយមនុស្សធម៌ទៅចែកជូនគ្រួសាររងគ្រោះដោយសារខ្យល់កន្ទ្រាក់
សាខាកក្រក ខេត្តកោះកុង ៖ថ្ងៃពុធ ១៤កើត ខែស្រាពណ៍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី ១៤ ខែសីហា ឆ្នាំ២០១៩លោកជំទាវ មិថុនា ភូថង ប្រធានគណៈកម្មាធិការ សាខាកាកបាទក្រហមកម្ពុជា ខេត្តកោះកុង បានចាត់អោយ លោក ឈួន យ៉ាដា នាយកសាខា សហការជាមួយអនុសាខាកក្រក ស្រុកមណ្ឌលសីមា រួមដំណើរជាមួយអជ្ញាធរមូលដ្ឋាន បានអញ្ជើញចុះសួរសុខទុក្ខ និង នាំយកអំណោយមនុស្សធម៌ទៅចែកជូនគ្រួសាររងគ្រោះដោយសារខ្យល់កន្ទ្រាក់កាល និងទឺកជំនន់ ចំនួន ០៦គ្រួសារ ស្មើនឹង០៦ខ្នងផ្ទះ រស់នៅឃុំទួលគគីរ ស្រុកមណ្ឌលសីមា ខេត្តកោះកុង ក្នុងនោះបណ្តាលអោយខូចខាតផ្ទះទាំងស្រុង០១គ្រួសារត្រូវទឹកជំនន់ហូរកួចទៅ។
ក្នុងឱកាសនោះដែរ លោកនាយកសាខា អនុប្រធានគណៈកម្មាធិការសាខា បានពាំនាំនូវប្រសាសន៍ផ្តាំផ្ញើសួរសុខទុក្ខ និងសោកស្តាយពីសំណាក់ លោកជំទាវ មិថុនា ភូថង ប្រធានគណៈកម្មាធិការសាខា ពិសេសសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចជាកាលសម្តេច តែងតែគិតគូរអំពីសុខទុក្ខរបស់បងប្អូនប្រជាពលរដ្ឋនៅគ្រប់ទីកន្លែង ដោយមិនមានការប្រកាន់ ពូជសាសន៍ ពណ៌សម្បុរ និន្នាការនយោបាយអ្វីឡើយ។
ជាមួយគ្នានេះលោក ហាក់ ឡេង អភិបាលស្រុកមណ្ឌលសីមា បានអំពាវនាវដល់បងប្អូនប្រជាពលរដ្ឋទាំងអស់ ពិសេសបងប្អូនប្រជានេសាទ ត្រូវមានការប្រុងប្រយ័ត្នខ្ពស់ពីបាតុភូតខ្យល់កន្ត្រាក់ ផ្គរ រន្ទះ រលក សមុទ្រធំៗខ្ពស់ៗ។ ទន្ទឹមនឹងនេះ បងប្អូនប្រជាពលរដ្ឋថែទាំសុខភាពឱ្យបានល្អ ជាពិសេសទៅលើកុមារតូចៗ ត្រូវស្លៀកខោអាវវែង និងគេងនៅក្នុងមុងជ្រលក់ថ្នាំដើម្បីការពារជំងឺគ្រុនឈាមដែលកំពុងរីករាលដាល ព្រមទាំងចេះសម្អាតអនាម័យជុំវិញខ្លួន និងចូលរួមគោរពច្បាប់ចរាចរណ៍ទាំងអស់គ្នា។
គ្រួសារនីមួយៗទទួលបាន ៖ អង្ករចំនួន ២៥គីឡូក្រាម មី១កេស ត្រីខ១០កំប៉ុង តង់១ និងអាវយឺត២ ស័ង្កសី ១៥សន្លឹក ព្រមទាំងថវិកា ៨០,០០០រៀល ។
ដោយឡែកផ្ទះខូចខាតទាំងស្រុងសាខាឧបត្ថម្ភ៤០០,០០០រៀល និងថវិកា លោក ហាក់ ឡេង អភិបាលស្រុកមណ្ឌលសីមា ៤០០,០០០រៀល សរុប ៨០០,០០០រៀល ។
