លោក ផៃធូន ផ្លាមកេសន អភិបាលរង នៃគណៈអភិបាល ខេត្តកោះកុង បានអញ្ជើញជាអធិបតីភាព ក្នុងកម្មវិធីតាំងបង្ហាញផ្សព្វផ្សាយ និងប្រឹក្សាយោបល់លើផលិតផលខ្មែរ នៅខេត្តកោះកុង។

លោកអភិបាលរងខេត្ត បានគូសបញ្ជាក់ថា នេះជាព្រឹត្តិការណ៍ពាណិជ្ជកម្មកម្រិតថ្នាក់ខេត្តដ៏មានសារៈសំខាន់ ដែលបានលេចរូបរាងឡើងក្រោមកិច្ចសហការរវាងអគ្គនាយកដ្ឋានជម្រុញពាណិជ្ជកម្ម និងមន្ទីរពាណិជ្ជកម្មខេត្ត ក្នុងគោលបំណងជំរុញឲ្យបរិយាកាសអាជីវកម្ម ពាណិជ្ជកម្មក្នុងស្រុកកាន់តែប្រសើរឡើង បង្កើនលទ្ធភាពផលិតកម្ម នឹងបង្កើនតម្លៃបន្ថែមលើផលិតផលក្នុងស្រុកបានជាអតិបរមា និងផលិតនូវទំនិញថ្មីៗ ដើម្បីបម្រើសេចក្តីត្រូវការក្នុងស្រុក កាត់បន្ថយការនាំចូល និងជំរុញការនាំចេញ នឹងធ្វើពិពិតកម្មមុខទំនិញថ្មីៗ ដើម្បីអាចមានលទ្ធភាពប្រកួតប្រជែងទាំងលើទីផ្សារក្នុងស្រុក កាត់បន្ថយការនាំចូល និងជំរុញការនាំចេញ ព្រមទាំងអាចបង្កើនបាននូវការងារថ្មីៗថែមទៀត ជួយបង្កើនប្រាក់ចំណូល ជួយទប់ស្កាត់ការធ្វើចំណាកស្រុក និងរួមចំណែកកាត់បន្ថយភាពក្រីក្ររបស់ប្រជាពលរដ្ឋ៕

ថ្ងៃអង្គារ ១៣ កើត ខែស្រាពណ៍ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៣ ខែសីហា ឆ្នាំ២០១៩ August 13, 2019