លោក ឃឹម ច័ន្ទឌី អភិបាល នៃគណៈអភិបាលស្រុក និងជាប្រធានអនុសាខាកាកបាទក្រហមកម្ពុជាស្រុកគិរីសាគរ
បានដឹកនាំសមាជិកគណៈកម្មាធិការអនុសាខាកាកបាទក្រហមស្រុក នាំយកអំណោយ (សាខាកាកបាទក្រហមកម្ពុជាខេត្តកោះកុង និងសាប៊ូលាងដៃ ថ្នាំពេទ្យ ពីសប្បុរសជន) ចែកជូនដល់គ្រួសារក្រីក្រ ជួបការលំបាកចំនួន ០៨ គ្រួសារ ស្ថិតនៅកោះស្តេច ឃុំកោះស្តេច ដែលក្នុងមួយគ្រួសារ ទទួលបាន អង្ករ ២០ គីឡូ សាប៊ូ ១ដប អាវយឺត ១ និងថ្នាំពេទ្យ ១ កញ្ចប់ ។
ឆ្លៀតក្នុងឱកាសនោះ លោកប្រធាន បានរំលឹកអំពីការយកចិត្តទុក្ខដាក់ និងសួរសុខទុក្ខពី សំណាក់សម្តេចគត្តិព្រឹទ្ធបណ្ឌិត ប្រធានកាកបាទក្រហមកម្ពុជា ក៏ដូចជាលោកជំទាវ មិថុនា ភូថង ប្រធានសាខាកាកបាទក្រហមកម្ពុជាខេត្តកោះកុង ជូនដល់ប្រជាពលរដ្ឋដែលជួបការលំបាកខ្វះខាតនៅក្នុងមូលដ្ឋាន ។
