លោក ម៉ាស់ សុជា ប្រធានក្រុមប្រឹក្សាស្រុក និងជាអនុប្រធានកត្តិយសអនុសាខាស្រុកស្រែអំបិល លោក ជា ច័ន្ទកញ្ញា អភិបាល នៃគណៈអភិបាលស្រុក ជាប្រធានអនុសាខាកាកបាទក្រហមកម្ពុជា ស្រុកស្រែអំបិល ដឹកនាំក្រុមការងារអមដំណើរឯកត្តម លី សារ៉េត អនុប្រធានគណៈកម្មាធិការសាខាកាកបាទក្រហមកម្ពុជាខេត្តកោះកុង និងតំណាងដ៏ខ្ពង់ខ្ពស់ លោក ជំទាវ មិថុនា ភូថង អភិបាល នៃគណៈអភិបាលខេត្តកោះកុង និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកោះកុង បានចុះសួរសុខទុក្ខ និងនាំថវិកាជូនដល់ប្រជាពលរដ្ឋដែលរងផលប៉ះពាល់ដោយសារអគ្គីភ័យឆាបឆេះផ្ទះប្រជាពលរដ្ឋទាំងស្រុងចំនួន០២ខ្នងស្ថិតនៅភូមិដងពែង ឃុំដងពែង ស្រុកស្រែអំបិល ខេត្តកោះកុង ដែលក្នុងមួយគ្រួសារទទួលបានថវិកាចំនួន១,០០០,០០០រៀល ដែលអំណោយរបស់លោកជំទាវ ហើយនិងថវិការបស់សាខាកាកបាទក្រហមកម្ពុជាខេត្តកោះកុងចំនួន១,០០០,០០០រៀល និងអំណោយគ្រឿងបរិភោគរបស់អនុសាខាកាកបាទក្រហមកម្ពុជាស្រុកស្រែអំបិល ក្នុងមួយគ្រួសារទទួលបាន អង្ករ ៥០គ.ក្រ ទឹកសុទ្ធ ០៥យួរ ប៊ីចេង០១គ.ក្រ ស្ករស ០១គ.ក្រ អំបិល០៥គ.ក្រ សាប៊ូបោកខោអាវ០១កញ្ចប់ គ្រឿងសម្ភារៈផ្ទះបាយ០១ឈុត។
