30/04/2020 (9:30 am)
-------------------------------------
លោកស្រី អុិន សោភ័ណ្ឌ អភិបាលរងស្រុកបូទុមសាគរ និងសហការី បានអញ្ជើញទទួលស្វាគមន៍ឯកឧត្តម ឧត្តមសេនីយ៍ឯក អុឹម សារ៉ា អគ្គនាយករង អគ្គនាយកដ្ឋានសម្ភារៈបច្ចេកទេស និងជាសមាជិកក្រុមការងាររាជរដ្ឋាភិបាលចុះជួយស្រុកបូទុមសាគរ បានប្រគល់ថវិកា និងបានចុះត្រួតពិនិត្យទីតាំងដីសម្រាប់សាងសង់សាលារៀនឧបសម្ព័ន្ធសិក្សាជីត្រេះ ដែលស្ថិតនៅក្នុងភូមិជីត្រេះ ឃុំអណ្តូងទឹក ស្រុកបូទុមសាគរ ខេត្តកោះកុង។
ឆ្លៀតក្នុងឱកាសនោះដែរ ឯកឧត្តមក៏បានពាំនាំការសួរសុខទុក្ខពីសំណាក់ឯកឧត្តម ចៅ ភិរុណ ប្រធានក្រុមការងាររាជរដ្ឋាភិបាលចុះជួយស្រុកបូទុមសាគរ និងមានមតិផ្តាំផ្ញើរនូវវិធានការការពារទប់ស្កាត់ជំងឺរាតត្បាតកូវីដ-១៩ ដល់ក្រុមការងារ និងប្រជាពលរដ្ឋក្នុងស្រុកបូទុមសាគរ។
ប្រភព:រដ្ឋបាលស្រុកបូទុមសាគរ
----------------------------------------
ថ្ងៃព្រហស្បតិ៍ ៩ កើត ខែពិសាខ ឆ្នាំជូត
ទោស័ក ពុទ្ធសករាជ ២៥៦៣
ត្រូវនឹងថ្ងៃទី៣០ ខែមេសា ឆ្នាំ២០២០
April 30, 2020