រដ្ឋបាលខេត្តកោះកុង

ថ្ងៃព្រហស្បតិ៍ ៩ កើត ខែពិសាខ ឆ្នាំជូត ទោស័ក ពុទ្ធសករាជ ២៥៦៣ ត្រូវនឹងថ្ងៃទី៣០ ខែមេសា ឆ្នាំ២០២០ លោកស្រី អ៊ិន សុភី អភិបាលរង នៃគណៈអភិបាលស្រុកកោះកុង បានប្រគល់នូវសំបុត្របញ្ជាក់កំណើត ដែលប្រជាពលរដ្ឋបានស្នើសុំកែតម្រូវទិន្នន័យមួយចំនួនដែលមិនអាចប្រើប្រាស់បាននាពេលកន្លងមក ពីអគ្គនាយកដ្ឋានអត្តសញ្ញាណកម្ម នៃក្រសួងមហាផ្ទៃ ជូនប្រជាពលរដ្ឋរស់នៅភូមិដីទំនាប ឃុំត្រពាំងរូង ស្រុកកោះកុង ខេត្តកោះកុង។
ក្នុងឱកាសនោះផងដែរ លោកស្រី បានណែនាំដល់ប្រជាពលរដ្ឋថា ឯកសារនេះអាចយកទៅប្រើប្រាស់តាមតម្រូវការរបស់គាត់បាន និងសូមថែរក្សាទុកដាក់អោយបានល្អ កុំអោយមានការខូចខាត ស្របជាមួយគ្នានោះ មន្ត្រីសាលាស្រុក ក៏បានអ៊ុតប្លាស្ទិករឹងការពារការត្រូវទឹក ឬការទុកដាក់មិនបានល្អ ដែលនាំអោយខូចក្រដាសផងដែរ។

ប្រភព ៖ អ៊ឹង បឺត