រដ្ឋបាលខេត្តកោះកុង

លោកឧត្តមសេនីយ៍ត្រី កែវ វិចិត្រ មេបញ្ជាការតំបន់ប្រតិបត្តិការសឹករងកោះកុង បានអញ្ជើញអមដំណើរ ឯកឧត្តម ឧត្តមសេនីយ៍ឯក យឿង សុខុន មេបញ្ជាការរងកងទ័ពជើងគោក មេបញ្ជាការយោធភូមិភាគទី៣ ចុះពិនិត្យស្ថានភាពទូទៅ និងទីតាំងឈរជើងតាមបណ្តាចំណុច របស់អង្គភាពផ្នែកសឹករងមណ្ឌលសីមា និងកងវរសេនាតូចការពារព្រំដែនលេខ៣ ចាប់ចំណុចភូមិចាំយាម រហូតដល់ចំណុចអូររំដេង ជាប់ព្រំប្រទល់ខេត្តពោធិសាត់។
ថ្លែងក្នុងឱកាសចុះបំពេញការងារនោះដែរ ឯកឧត្តមមេបញ្ជាការរងកងទ័ពជើងគោក មេបញ្ជាការយោធភូមិភាគទី៣ បានផ្តាំផ្ញើក៍ដូចជាដាក់ទិសដៅដល់កម្លាំងឈរជើងការពារព្រំដែនទាំងពីរអង្គភាព ត្រូវ:
១-ស្មោះត្រង់ ការពារដាច់ខាតចំពោះជាតិ សាសនា ព្រះមហាក្សត្រ រដ្ធធម្មនុញ្ញ និងរាជរដ្ឋាភិបាលស្របច្បាប់
២-ការពារនូវអធិបតេយ្យភាព បូរណភាពទឹកដី  ការពារសុខសន្តិភាព និងមានកិច្ចសហការល្អរវាងកម្លាំងជួរមុខ និងជួរមុខ
៣-ខិតខំកសាងអង្គភាព ជំរុំជំរកស្នាក់នៅ និងប្រព័ន្ធការពារខ្លួនគ្រប់ប្រភេទ ឱ្យបានរឹងមំា។
៤-ជំរុញការងារបង្កបង្កើនផលចិញ្ចឹមសត្វ ដើម្បីលើកស្ទួយជីវភាពឱ្យកាន់តែល្អប្រសើរ
ជាទីបញ្ជប់ឯកឧត្តមមេបញ្ជាការបានណែនាំដល់ថ្នាក់ដឹកនាំក៏ដូចជាយោធិនគ្រប់រូបត្រូវខិតខំថែរក្សាសុខភាព ឱ្យបានល្អ ដើម្បីចូលរួមអនុវត្តការងារអោយទទួលបានជោគជ័យ តាមផែនការ បទបញ្ជារបសថ្នាក់លើ។
ថ្ងៃសុក្រ ១៤ កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៣ ខែកុម្ភៈ ឆ្នាំ២០២៤ ថ្ងៃនេះ ជាថ្ងៃកោរ February 23, 2024