លោក ក្រូច បូរីសីហា អភិបាល នៃគណៈអភិបាលស្រុកបូទុមសាគរតំណាង លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានដឹកនាំក្រុមការងារស្រុក អាជ្ញាធរ ភូមិឃុំ ចុះប្រគល់ផ្ទះមួយខ្នងជូនដល់កុមារកំព្រាចំនួន៤នាក់ដែលឪពុកម្ដាយបានស្លាប់ចោល ដែលជាអំណោយផ្ទាល់របស់លោកជំទាវអភិបាលខេត្ត ក្នុងការចំណាយសាងសង់ អស់ថវិកាចំនួន ២,៥៤០.០០០រៀល ឆ្លៀតក្នុងឱកាសនោះដែរលោកអភិបាលស្រុកក៏បានពាំនាំការផ្ដាំផ្ញើសួរសុខទុក្ខពីសំណាក់លោកជំទាវអភិបាលខេត្ត និងបានផ្ដល់ជូនជាថវិកាផ្ទាល់ខ្លួនរបស់លោកអភិបាលដល់កុមារទាំង៤នាក់ចំនួន២០០.០០០រៀល និងជូនដល់ក្រុមការងារភូមិដែលជួយសាងសង់ផ្ទះចំនួន១០០.០០០រៀលផងដែរ  ស្ថិតនៅក្នងភូមិប្រៃ ឃុំអណ្តូងទឹក ស្រុកបូទុមសាគរ ខេត្តកោះកុង ។ 

ប្រភពៈរដ្ឋបាលស្រុកបូទុមសាគរ

…………………………………..

ថ្ងៃអង្គារ ១៣ កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៤ ខែមករា ឆ្នាំ២០២៤ វេលាម៉ោង ០៣ៈ ៣០នាទីព្រឹក