ក្រុមការងារថ្នាក់ស្រុកបានសហការជាមួយក្រុមការងារថ្នាក់ខេត្តចុះពិនិត្យជនជាតិចិន ទេីបមកពីប្រទេសចិនធ្វេីដំណេីរមកកាន់ក្រុមហ៊ុន យូ ញៀន ស្ថិតក្នុងស្រុកគិរីសាគរ ខេត្តកោះកុង
ថ្ងៃពុធ ៨រោច ខែចេត្រ ឆ្នាំកុរ ពស ២៥៦៣ ត្រូវនឹងថ្ងៃទី១៥ ខែមេសា ឆ្នាំកុរ ដោយមានការចាត់តាំងរបស់លោកអភិបាលស្រុក ខ្ញុំបាទ សាយ ង៉ែត នាយករដ្ឋបាលស្រុក បានដឹកនាំប្រធានមណ្ឌលសុខភាព កងកម្លាំងប្រដាប់អាវុធទាំង៣ និងអាជ្ញាធរឃុំ សហការជាមួយក្រុមគ្រូពេទ្យមន្ទីរសុខាភិបាលខេត្ត ដើម្បីចុះប្រមូលយកទិន្នន័យ និងវាស់កំដៅជនជាតិចិនចំនួន ២១ រូប ដែលមកពីប្រទេសចិន ចូលមកធ្វើការនៅក្រុមហ៊ុន UNION ក្នុងស្រុកគិរីសាគរ កាលពីថ្ងៃទី១៤ ខែមេសា ឆ្នាំ២០២០ ក្នុងនោះពិនិត្យឃើញថា ក្រុមហ៊ុនបានដាក់អោយពួកគាត់ស្នាក់នៅដាច់ដោយឡែក នៅសណ្ឋាគារ៥ជាន់ រយៈពេល ១៤ ថ្ងៃសិនមុននឹងចេញធ្វើការ ហើយគ្រូពេទ្យបានធ្វើការវាស់កម្តៅឃើញថាមានកម្តៅធម្មតា រួចគ្រូពេទ្យក៏បានធ្វើការអប់រំណែនាំដល់ពួកគាត់អំពីវិធីការពារជម្ងឺកូវីដ១៩ផងដែរ។
