រដ្ឋបាលខេត្តកោះកុង

លោក ខេង សំខាន់ អភិបាលស្តីទី បានដឹកនាំមន្រ្តីសាលាស្រុក ចូលរួមពិធីបុណ្យភូមិប្រៃ និងភូមិជីត្រេះ ស្ថិតនៅក្នុងឃុំអណ្តូងទឹក ហើយនៅក្នុងពិធីបុណ្យដ៏សែនរីករាយនោះសោត លោកអភិបាលស្តីទី ក៏បានមានមតិសំណេះសំណាលនិងពាំនាំការសួរសុខទុក្ខពីលោកស្រី គ្រី សោភ័ណ ប្រធានក្រុមប្រឹក្សាស្រុក  ក្រូច បូរីសីហា អភិបាលនៃគណ:អភិបាលស្រុកបូទុមសាគរ  និងបានចូលរួមក្នុងពិធីបុណ្យជាបច្ច័យផ្ទាល់ខ្លួនរបស់អភិបាលស្តីទី ចំនួន៣០ម៉ឺនរៀល  និង លោក ក្រូច បូរីសីហា អភិបាលស្រុក បានចូលរួមឧបត្ថម្ភស្រាបៀរចំនួន២០កេស  ហើយលោក ក៏បានបន្តថា សូមសំដែងការអបអរសាទរ ចំពោះផលដំណាំ ស្រូវអង្កររបស់បងប្អូនប្រជាពលរដ្ឋនៅឆ្នាំនេះ និងត្រេកអរចំពោះការរៀបចំបុណ្យភូមិ ដែលជាពិធីបុណ្យមួយរបស់អ្នកភូមិ អ្នកស្រុកមានតាំងពីយូរយារណាស់មកហើយ និងបានបង្ករលក្ខណ:សប្បាយរីករាយដល់បងប្អូនប្រជាពលរដ្ឋ និងជូនពរដល់បងប្អូនប្រជាពលរដ្ឋគ្រប់រូប បានសុខសប្បាយ ទទួលបាននូវទិន្នផលល្អប្រសើរពីមួយឆ្នាំទៅមួយឆ្នាំ និងបន្តការរៀបចំពិធីបុណ្យភូមិនេះឲ្យបានជារៀងរាល់ឆ្នាំ។

ប្រភពៈរដ្ឋបាលស្រុកបូទុមសាគរ

====================

ថ្ងៃព្រហស្បតិ៍ ១ កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ត្រូវនឹងថ្ងៃទី១១ ខែមករា ឆ្នាំ២០២៤

ម៉ោង៧:០០នាទីយប់