រដ្ឋបាលខេត្តកោះកុង

លោកជំទាវ បានលើកឡើងថា ជាការពិតការអភិវឌ្ឍនានាតែងតែមានការចូលរួមពីសង្គមស៊ីវិល វិស័យឯកជន និងសហគមន៍ ព្រោះជាចលករ ក្នុងការកសាងធនធានមនុស្ស ដើម្បីបង្កើនបច្ចេកទេស និងជំរុញកំណើនសេដ្ឋកិច្ច ក្នុងបរិបទអាស៊ានបច្ចុប្បន្ន។ រាជរដ្ឋាភិបាលតែម្នាក់ឯង ពុំមានលទ្ធភាពគ្រប់គ្រាន់ក្នុងការឆ្លើយតបនឹងតម្រូវការប្រជាជនបាននៅឡើយ។ រាជរដ្ឋាភិបាលនៅតែចាត់ទុកវិស័យកសិកម្ម ជាវិស័យអាទិភាពសម្រាប់ជំរុញកំណើនសេដ្ឋកិច្ចប្រជាពលរដ្ឋ និងសេដ្ឋកិច្ចជាតិ តែទន្ទឹមនេះយើងក៏បានជួបនូវផលវិបាកជាច្រើនរួមមាន គុណភាព នៃការផលិត ការកែច្នៃ ប្រពៃណីនៃការដាំដុះ កង្វះទីផ្សារ និងការងារបច្ចេកទេស ការធ្លាក់ចុះ នៃធនធានធម្មជាតិ នឹងបម្រែបម្រួលអាកាសធាតុជាដើម…។ ហេតុនេះយើងត្រូវការចាំបាច់នូវដៃគូអភិវឌ្ឍន៍ វិស័យឯកជន និងអាជ្ញាធរដែនដី ធ្វើការសហការ និងបន្តការដោះស្រាយរួមគ្នា ដើម្បីអោយវិស័យកសិកម្មក្នុងខេត្ត របស់យើងកាន់តែប្រសើរជាងនេះ៕

ថ្ងៃព្រហស្បតិ៍ ១ កើត ខែស្រាពណ៍ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១ ខែសីហា ឆ្នាំ២០១៩ August 1, 2019