រដ្ឋបាលខេត្តកោះកុង

លោក តុង យ៉ាវ អភិបាលស្ដីទី បានអញ្ជើញគណៈអធិបតីក្នុងកម្មវិធីផ្សព្វផ្សាយបច្ចេកវិទ្យាកសិកម្មឆ្លាតវៃ ដាំបន្លែក្នុងផ្ទះសំណាញ់ និងភ្ជាប់ទំនាក់ទំនងរវាងកសិករ និងដេប៉ូលក់ធាតុចូលកសិកម្ម ដល់ប្រជាកសិករក្នុងឃុំអណ្តូងទឹក និងឃុំកណ្តោល ចំនួន៣០នាក់។ ពិធីប្រារព្ធធ្វើនៅដេប៉ូលក់ជីថ្នាំកសិកម្ម «យានតូរីកសិករខ្មែរ» ស្ថិតនៅភូមិជីមាល ឃុំអណ្តូងទឹក ស្រុកបូទុមសាគរ ខេត្តកោះកុង រៀបចំឡើងដោយក្រុមការងារក្រុមហ៊ុនអង្គរហ្រ្គីន រួមសហការជាមួយអង្គការ Aide et Action ដែលមានការគាំទ្រមូលនិធិពីសហភាពអឺរ៉ុបសម្រាប់អនុវត្តគម្រោងCO-SAVED។ ក្នុងពិធីនេះផងដែរ ក្រុមការងារក៏បានផ្តល់ជូនកសិករទាំង៣០នាក់ម្នាក់ៗទទួលបាននូវ ធុងបាញ់ថ្នាំសត្វល្អិតចំនួន១ ជីបំប៉នដំណាំ១គីឡូ និងគ្រាប់ពូជស្ពៃក្រញ៉ាញ់១កំប៉ុង។

ប្រភពៈរដ្ឋបាលស្រុកបូទុមសាគរ

================

ថ្ងៃសុក្រ ១១ រោច ខែកត្តិក ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៨ ខែធ្នូ ឆ្នាំ២០២៣