លោក ឈឹម ចិន អភិបាលរង នៃគណៈអភិបាលក្រុងខេមរភូមិន្ទ លោក អាយ សុភីរិទ្ធិ៍ ប្រធានការិ.ដនសភ ក្រុង និងលោក ឡុង សុខហេង ប្រធានការិ.ផែនការ និងគាំទ្រសង្កាត់ អញ្ជើញចូលរួមកិច្ចប្រជុំ និងចុះសិក្សា ទីតាំងបញ្ចប់ លើការអនុវត្តគម្រោង ( គំនិតផ្ដួចផ្តើមទីក្រុង ប្រកបដោយចីរភាពនៅកម្ពុជា ) ក្នុងក្រុងខេមរភូមិន្ទ ខេត្តកោះកុង កិច្ចប្រជុំនេះបានរៀបចំឡើងដោយ អគ្គនាយកដ្ឋាន រៀបចំដែនដី និងនគរូបនីយកម្ម នៃក្រសួងរៀបចំដែនដី នគរូបនីយកម្ម និងសំណង់ រួមជាមួយក្រុមការងារ របស់ធនាគារពិភពលោក។
កិច្ចប្រជុំបានផ្ដោតសំខាន់ទៅលើចំណុចដូចខាងក្រោម :
១. តំបន់មានសក្តានុពលអភិវឌ្ឍន៏
២. តំបន់មានបញ្ហាប្រឈមផ្នែកបរិស្ថាន
៣. តំបន់មានបញ្ហាប្រឈមផ្នែកប្រព័ន្ធលូទឹកកខ្វក់ និងជំនន់ទឹកភ្លៀង។
កិច្ចប្រជុំប្រព្រឹត្តទៅនៅសាលប្រជុំសាលាខេត្តកោះកុង វេលាម៉ោង ៩៖០០ នាទីព្រឹក ថ្ងៃព្រហស្បតិ៍ ១០ រោច ខែកត្តិក ឆ្នាំថោះ បញ្ចស័ក ពស២៥៦៧ ត្រូវនឹងថ្ងៃទី៧ ខែធ្នូ ឆ្នាំ២០២៣។
December ,7, 2023
#ប្រភពពីរដ្ឋបាលក្រុងខេមរភូមិន្ទ#
