លោកស្រី អ៊ិន សោភ័ណ្ឌ  អភិបាលស្ដីទី បានធ្វើការណែនាំដល់អ្នកចិញ្ចឹមគោឈ្មោះ ខា សារ៉ូ ភេទស្រី រស់នៅភូមិជីមាល ឃុំអណ្តូងទឹក មិនឱ្យមានការចិញ្ចឹមសត្វដោយព្រលែងដើរតាមទីសាធារណៈបន្តទៀត។

សូមបញ្ជាក់ផងដែរថា កាលពីរសៀលថ្ងៃទី៦ ខែវិច្ឆិកា ឆ្នាំ២០២៣ រដ្ឋបាលស្រុក បានរក្សាទុកគោ  ចំនួន ៣ក្បាលនោះ  ក្នុងសាលាស្រុកសិន  រង់ចាំម្ចាស់គោមកធ្វើការសម្របសម្រួល   និងធ្វើកិច្ចសន្យា ជាសាធារណៈ យកគោត្រលប់ទៅវិញ។ ដោយកន្លងមកឈ្មោះ ខា សារ៉ូ បានចិញ្ចឹមសត្វគោដោយព្រលែងអោយដើរពាសវាលពាសកាលតាមទីសាធារណ:ពុំបានគោរពតាមសេចក្តីណែនាំរបស់រដ្ឋបាលខេត្ត និងរដ្ឋបាលស្រុកជាហេតុនាំឱ្យបាត់បង់សណ្តាប់ធ្នាប់សាធារណៈ។ នៅថ្ងៃទី៨ ខែវិច្ឆិកា ឆ្នាំ២០២៣ វេលាម៉ោង១១:៣០នាទីព្រឹក ម្ចាស់គោខាងលើបានមកសម្របសម្រួល និងធ្វើកិច្ចសន្យាផាកពិន័យ ទទួលយកគោដែលរដ្ឋបាលស្រុករក្សាទុកត្រឡប់ទៅផ្ទះវិញ។

អ្នកស្រី ខា សារ៉ូ ជាម្ចាស់គោ បានលើកឡើងថាកន្លងមកគាត់ជាប់រវល់កិច្ចការងារផ្សេងៗទើបពុំបានគ្រប់គ្រងសត្វចិញ្ចឹមបានល្អតាមការជូនដំណឹងរបស់រដ្ឋបាលខេត្ត និងរដ្ឋបាលស្រុក តែចាប់ពីពេលធ្វើកិច្ចសន្យានេះទៅអ្នកស្រីសន្យាថានឹងគោរពតាមសេចក្តីណែនាំរបស់រដ្ឋបាលខេត្ត និងរដ្ឋបាលស្រុក ធានាថាមិនប្រលែងគោបន្តទៀតទេ។

ប្រភពៈរដ្ឋបាលស្រុកបូទុមសាគរ

==================

ថ្ងៃពុធ ១០ រោច ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៨ ខែវិច្ឆិកា ឆ្នាំ២០២៣

វេលាម៉ោង១១:៣០នាទីព្រឹក