ស្រុកកោះកុង : ថ្ងៃពុធ ១០ រោច ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៨ ខែវិច្ឆិកា ឆ្នាំ២០២៣ លោកស្រី អ៊ិន សុភី អភិបាលរង នៃគណៈអភិបាលស្រុកកោះកុង បានដឹកនាំក្រុមការងាររដ្ឋបាលស្រុកកោះកុង និងអាជ្ញាធរឃុំត្រពាំងរូង ជួបពិភាក្សាជាមួយគណៈកម្មការ វត្ត ព្រះពុទ្ធកោះកុងក្នុង និងព្រះចៅអធិការវត្ត ព្រះពុទ្ធកោះកុងក្នុង ដេីម្បីត្រៀមលក្ខណ:ក្នុងការរៀបចំអង្គកឋិនទានសាមគ្គី ដើម្បីដ៏ង្ហែទៅវេរប្រគេន ព្រះភិក្ខុសង្ឃគង់ចាំព្រះវស្សាអស់ត្រីមាសក្នុងពុទ្ធសីមា វត្តព្រះពុទ្ធកោះកុងក្នុង ស្ថិតនៅភូមិកោះកុងក្នុង ឃុំត្រពាំងរូង ស្រុកកោះកុង ខេត្តកោះកុង ដើម្បីជាប្រយោជន៍ក្នុងព្រះវិន័យកិច្ចព្រះសង្ឃនិងប្រមូលបច្ច័យកសាងរោងឧបោសថ ដែលមានបណ្តោយ ៩ម៉ែត្រ ទទឹង ៧ម៉ែត្រ ដែលមានការខ្វះខាត ឥដ្ឋការ៉ូ ស៊ីម៉ុងន៍ ថ្នាំលាបជញ្ជាំងដើម្បីកសាងបន្ត ។ដែលនឹងប្រព្រឹត្តទៅនៅថ្ងៃទី១៤-១៥ ខែវិច្ឆិកា ឆ្នាំ២០២៣ ខាងមុខនេះ
