រដ្ឋបាលខេត្តកោះកុង

លោកស្រី គ្រី សោភ័ណ ប្រធានក្រុមប្រឹក្សាស្រុក និងជាប្រធានកិត្តិយសអនុសាខាកាកបាទក្រហមកម្ពុជាស្រុកបូទយមសាគរ និងលោកពេជ្រ សិលា អភិបាលស្ដីទី និងក្រុមការងារបានទទួលទេយ្យទានពីព្រះតេជគុណ លី គីមហាង ព្រះភិក្ខុរក្សាការវត្តគីរីមាលីជលសាធម្មទស្សនា (ហៅវត្តភ្នំត្រងោល) ដែលបានបរិច្ចាគទេយ្យទានជាគ្រឿងឧបភោគបរិភោគ រួមមាន អង្ករ ៣បាវស្មើនឹង១៥០គីឡូ មីម៉ាម៉ា៣កេស មីខ្លាឃ្មុំ២កេស ទឹកបរិសុទ្ធ ១០យួ ជូនអនុសាខាកាកបាទក្រហមកម្ពុជាស្រុកបូទុមសាគរ សម្រាប់យកមកចែកជូនប្រជាពលរដ្ឋជួបការលំបាកប្រចាំថ្ងៃ។ ក្នុងឱកាសនោះលោកស្រីប្រធានក្រុមប្រឹក្សាស្រុក និងលោកអភិបាលស្ដីទី និងក្រុមការងារ សូមថ្លែងអំណរព្រះគុណយ៉ាងជ្រាលជ្រៅបំផុតប្រគេនចំពោះ ព្រះតេជគុណ ព្រះភិក្ខុរក្សាការវត្តគីរីមាលីជលសាធម្មទស្សនា ដែលមានទឹកព្រះទ័យជ្រះថ្លាបរិច្ចាគទេយ្យទានជាគ្រឿងឧបភោគបរិភោគយ៉ាងច្រើនសន្ធឹកសន្ធាប់ជូនអនុសាខាដើម្បីបម្រើសកម្មភាពមនុស្សធម៌របស់អនុសាខាកាកបាទក្រហមកម្ពុជាស្រុកបូទុមសាគរ។

ប្រភពៈរដ្ឋបាលស្រុកបូទុមសាគរ

================

ថ្ងៃព្រហស្បតិ៍ ៤ រោច ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២ ខែវិច្ឆិកា ឆ្នាំ២០២៣

វេលាម៉ោង១០:២០នាទីព្រឹក