រដ្ឋបាលខេត្តកោះកុង

លោក ឃៀង យិង មេឃុំអណ្តូងទឹក ក្រុមប្រឹក្សាឃុំ ក្រុមប្រឹក្សាឃុំទទួលបន្ទុកកិច្ចស្រី្ត និងកុមារឃុំ ស្មៀនឃុំ បានចូលរួមការត្រួតពិនិត្យ និងវាយតម្លៃការអនុវត្តពាក់កណ្តាលអាណត្តិគម្រោងអាហារូបត្ថម្ភនៅកម្ពុជា ដំណាក់កាលទី១ និងដំនាក់កាលទី២ ក្នុងក្របខណ្ឌហិរញ្ញប្បទានរបស់ធនាគារពិភពលោក ដើម្បីមានមូលដ្ឋានធ្វើការប៉ាន់ប្រមាណឡើងវិញអំពីភាពសមស្រប ប្រសិទ្ធភាព និងភាពស័ក្តិសិទ្ធិ នៃការរៀបចំគម្រោង គោលដៅគម្រោង និងវិធីសាស្ត្រនៃការអនុវត្តគម្រោងដែលត្រូវអនុវត្តបន្ត ឬត្រូវកែលម្អនូវចំនុចចន្លោះប្រហោង ឬការឆ្លើយតបទៅនឹងការអភិវឌ្ឍ នៃអាទិភាពវិស័យដោយធ្វើការផ្លាស់ប្តូរគោលដៅ និងកែសម្រួលគម្រោង ដើប្បីសម្រេចលទ្ធផលគម្រោងអប្បមា ស្ថិតក្រោមការវាយតម្លៃពី គណៈប្រតិភូពីក្រសួងសុខាភិបាល ក្រសួងសេដ្ឋកិច្ច និងហិរញ្ញវត្ថុ លេខាធិការដ្ឋាន គ.ជ.អ.ប ដែលជាតំណាងឲ្យរាជរដ្ឋាភិបាលកម្ពុជា និងធនាគារពិភពលោក ដែលកិច្ចវាយតម្លៃនេះធ្វើឡើងនៅសាលប្រជុំសាលាឃុំអណ្តូងទឹក។

ប្រភព:រដ្ឋបាលឃុំអណ្តូងទឹក

————————————-

ថ្ងៃព្រហស្បតិ៍ ៧ កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២១ ខែកញ្ញា ឆ្នាំ២០២៣