ស្រុកកោះកុង : រសៀលថ្ងៃអង្គារ ៦ កើត ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២២ ខែសីហា ឆ្នាំ២០២៣ លោក ជា សូវី អភិបាល និងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុកកោះកុង បានចាត់ឱ្យលោក អ៊ឹង បឺត ប្រធានការិយាល័យផែនការ និងគាំទ្រឃុំ-សង្កាត់ ស្រុកកោះកុង និងជាសមាជិកគណៈកម្មាធិការអនុសាខាកាកបាទក្រហមកម្ពុជា ស្រុកកោះកុង ជាតំណាង អញ្ជើញជួបសួរសុខទុក្ខ និងនាំយកសម្ភារមួយចំនួនរបស់អនុសាខា សួរសុខទុក្ខលោក លីម ភឿន អភិបាលរងស្រុកកោះកុង ដែលកំពុងសម្រាកព្យាបាលនៅមន្ទីរពេទ្យបង្អែកខេត្តកោះកុង ដោយសារពស់ចិក កាលពីថ្ងៃទី២១ ខែសីហា ឆ្នាំ២០២៣ កាលពីកន្លងទៅ ជាមួយគ្នានោះក៏មានការចូលរួមពីលោកប្រធានការិយាល័យរដ្ឋបាល និងហិរញ្ញវត្ថុ ប្រធានស្តីទីការិយាល័យ ដ.ន.ស.ភ ស្រុកកោះកុងផងដែរ។
