ពិធីចែកអំណោយរបស់អនុសាខាកាកបាតក្រហមកម្ពុជាក្រុងខេមរភូមិន្ទ ដល់គ្រួសារក្រីក្រ ចាស់ជរា ជនពិការ និងគ្រួសារមានផ្ទុកមេរោគអេដស៍ចំនួន១៦គ្រួសារមកពីសង្កាត់ចំនួនពីរក្នុងក្រុងខេមរភូមិន្ទ។
នារសៀលថ្ងៃ ពុធ ១០ រោច ខែផល្គុន ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៨ ខែមីនា ឆ្នាំ២០២០ អនុសាខាកាកបាទក្រហមកម្ពុជាក្រុងខេមរភូមិន្ទ ដឹកនាំដោយ លោក ឈេង សុវណ្ណដា ប្រធានគណ:កម្មាធិការអនុសាខា រួមជាមួយសមាជិកា សមាជិកាអនុសាខា អាជ្ញាធរភូមិសង្កាត់ លេខាធិកាដ្ឋាន ស.ស.យ.ក ខេត្ត និង សមាជិក ស.ស.យ.ក ក្រុងខេមរភូមិន្ទ បានចុះសួរសុខទុក្ខ និងចែកអំណោយជូនគ្រួសារក្រីក្រ ចាស់ជរា ជនពិការ និងគ្រួសារដែលមានផ្ទុកមេរោគអេដស៍ សរុបចំនួន១៦គ្រួសារ នៅសង្កាត់ស្ទឹងវែង ០៩គ្រួសារ សង្កាត់ស្មាច់មានជ័យ៧គ្រួសារក្នុងនោះមួយគ្រួសារទទួលបានអង្ករ២៥kg មី១កេះ ត្រីខកំប៉ុង១យួរ ទឹកត្រី២ដប ប្រេងឆា១ដប ទឹកស៊ីអ៊ីវ២ដប ថវិការបស់អនុសាខាចំនួន៥ម៉ឺនរៀល និងថវិការបស់លោក លឹម សោភ័ណ្ឌ (ហៅប៉ូឡូ)អនុប្រធានកិត្តិយសអនុសាខាចំនួន៣ម៉ឺនរៀល។
